سەرۆکێ ھەرێمێ و سەرۆک وەزیرێن عێراقێ پەیوەندیێن ناڤبه‌را ھەولێر و بەغدا دا به‌حسكرن
ZNA- هەولێر
ئەمڕۆ31ئابى ٢٠١٦ لە پەیوەندییەکی تەلەفۆنیی نێوان “مەسعود بارزانی” سەرۆکی ھەرێمی کوردستان و “حەیدەر عەبادی” سەرۆک وەزیرانی عێراق پەیوەندییەکانی نێوان ھەولێر و بەغدا تاوتوێ کرا.
ھەر لەم پەیوەندییەدا سەرۆک بارزانی سوپاسی سەرۆک وەزیرانی عێراقی کرد بۆ ئەو پێشوازییە گەرمەی لە شاندی حکوومەتی ھەرێم بە سەرۆکایەتیی نێچیروان بارزانی سەرۆکی حکوومەتی ھەرێم کراوە و ھەروەھا خۆشحاڵیی خۆیشی دەربڕی دەربارەی ئەنجامی کۆبوونەوەکان و ھیوای خواست پەیوەندی و ھەماھەنگییەکانی نێوان ھەردوولا بەردەوام بێت.
لەبەرانبەریشدا سەرۆک وەزیرانی عێراقی خۆشحاڵیی خۆی بۆ سەردانی شاندی ھەرێم و ئەنجامی کۆبوونەوەکان بە تایبەت لەبارەی نەوت و ئامادەکاری بۆ ڕزگارکردنی موسڵ دەربڕی و ئەنجامەکانی کۆبوونەوەکانیشی بەرز نرخاند.
ھەر لەم پەیوەندییە تەلەفۆنییەدا ھەردوولا جەختیان لە بەردەوامیی پەیوەندی و ھەماھەنگی و ڕاوێژی نێوانیان کردەوە.
تُتاح هذه الصورة أيضا في: کوردی
