ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

كارته‌ر:كورد ژ پشكدارینه‌كرنێ د كۆنگره‌یێ هه‌ڤپه‌یمانان دا دلگرانن

كارته‌ر: كورد ژ پشكدارینه‌كرنێ د كۆنگره‌یێ هه‌ڤپه‌یمانان دا دلگرانن

وارashtoncarter112

وه‌زیرێ به‌رگرییا ئه‌مریكا راگه‌هاند؛ سه‌ركرده‌یێن كوردان ب ئاوایه‌كێ روون و ئاشكرا دلگرانیا خوه‌ ل هه‌مبه‌ری پشكدارینه‌كرنێ د كۆنگرێ هه‌ڤپه‌یمانیا نێڤده‌وله‌تی دا گه‌هاندییه‌ وان و ئاماژه‌ ب رۆلێ سه‌ره‌كیێ كوردان د شه‌رێ دژی داعشێ دا كر.

د پرێس كۆنفرانسه‌كی دا دگه‌ل به‌رپرسێ ناڤه‌ندا سه‌ركردایه‌تیا سوپایێ ئه‌مریكا ل واشنتۆن، ئاشتۆن كارته‌ر وه‌زیرێ به‌رگرییا ئه‌مریكا دیاركر، سه‌ركرده‌یێن كوردان ب ئاوایه‌كێ روون و ئاشكرا دلگرانیا خوه‌ ل هه‌مبه‌ری پشكدارینه‌كرنێ د كۆنگرێ هه‌ڤپه‌یمانیێ دا گه‌هاندییه‌ وان و ئه‌ڤه‌ ژی مافێ كوردانه‌، ژبه‌ركو تا نوكه‌ رۆله‌كێ گرنگ و كارا د شه‌ڕی دژی داعشێ دا هه‌بوویه‌ و د رزگاركرنا مووسلی ژی دا، دێ هه‌مان رۆلێ گرنگ هه‌بیت.

دایه‌ زانین ژی كو د سه‌ره‌دانا خوه‌یا به‌غدایێ دا، دگه‌ل سه‌رۆكێ هه‌رێما كوردستانێ و سه‌رۆكوه‌زیرێن ئیراقێ، وی دوپاتی ل هه‌لویستێ هه‌ردو ئالییان، ده‌رباره‌یی به‌رده‌وامیا وان د ژناڤبرنا داعشێ دا كرییه‌ و بۆ ڤێ یه‌كێ ژی، هه‌ماهه‌نگیا هه‌ولێر و به‌غدایێ، گه‌له‌كا گرنگه‌.

ئه‌ڤه‌ دده‌مه‌كی دایه‌، دوهی مه‌سروور بارزانی شیره‌تكارێ جڤاتا ئاسایشا هه‌رێما كوردستانێ، ته‌ڤلی ره‌خنه‌كرنا كۆمبوونا هه‌ڤپه‌یمانان راگه‌هاندبوو، جهێ شه‌رمێ یه‌ هه‌ڤپه‌یمانییا نێڤده‌وله‌تی كو ئه‌مریكا سه‌ركێشیا وێ دكه‌ت چو نوونه‌رێن هه‌رێمێ داخواز نه‌كرین، د ده‌مه‌كی دا، كوردان رۆله‌كێ سه‌ره‌كی د شه‌ڕێ دژی داعشێ دا هه‌بوویه‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi