عەبادی: رێکەفتن دگەل تیرۆرستان دا تاوانە
ئێن ئارتى
حەیدەر عەبادی رەتکریە چ رێکەفتنەک دگەل چەکدارێن داعش دا هاتبیتە کرن هەیا کو ل فەلوجە بچنە دەرڤە و راگەهاند، گۆتۆبێژکرن دگەل تیرۆرستان دا ب نەپاکی و تاوان بەرامبەر گەلێ عیراقێ و ئاوارەیان و هێزێن عیراقی تێ دانین.
د کۆمبوونەکێ دا دگەل هژمارەک ژ سەرکردەیێن حەشدا شەعبی عەبادی راگەهاند، گۆتۆبێژ و رێکەفتن دگەل تیرۆرستان دا نەپاکی و تاوانە.
هەروەسا گۆت، ئەو کەسێن سفکایەتیێ ب حەشدا شەعبی دکەن وەکی وێ ئێکێ یە کو سفکایەتی ب هەمی عیراقیان کربیت.
عەبادی گۆت ژی، ئەف سەرکەفتنا نها بەرهەمێ فتوایا عەلی سیستانی مەرجعێ بلندێ شیعەیێن عیراقێ یە، و هەمی ئەو گۆتن ژی رەتکرن کو بەحسێ وێ ئێکێ دکەن رێکێ ب حەشدا شەعبی نادەن بەشداریێ د شەران دا بکەن ب تایبەتی د شەرێ کونترۆلکرنا موسل دا.
عەبادی حێبەتیا خو ژی ژ گۆتنا فەرماندەیێ هێزێن ئاسمانیا عیراقێ نیشاندا کو راگەهاندبوو، کاروانەکێ چەکدارێن داعش بوردومانکرنە کو ژ ٧٠٠ ترومبێلان پێکهاتببو و گۆتنێن وی ب پرۆپاگندە وەسفکر.
تُتاح هذه الصورة أيضا في: کوردی