دجڤاكێ كوردی دا كچ و زەلام پتر تووشی دوو دلیێ دبن
راپۆرت:جیهان عەبۆ
دوو دلی هەموو تەخ و چینێن جڤاكی دگرت و هەموو دەما بریاردانا بلەز و نەبوونا سەربۆرێن ژیانێ و ترس ژ ئەنجامێت داویێ و پەیدابوونا هزرێن بەربەلاڤ مرۆڤ تووشی دوو دلیێ دبت،دجڤاكێ كوردی دا ژی وەسا خویا دبت كو دوو دلی پتر ل نك كچ و زەلامان هەیە.
رەوشەنبیر (ئیڤان رەمەزان)دبێژت:دوو دلی پەیدا بت دەمێ مرۆڤ دكەفتە دئاریشەیەكێ دا، و بێ كو ڤەگەریانەكێ ل هزر و بیرێن خۆ بكت دا چارەسەر بكت ژ وێ ئاریشێ،دەمێ گەنجەك دكەفتە دئەڤینیێ دا ئەگەر ئێك و دوو دروست نەناسن ل ڤێ قۆناغێ وەك رەوشەكا دەرونی یە پەیدا دبت وگەلەك جارا بریارەكێ ددەت چ كور یان كچ بت،بەلێ كچ پتر تووشی دوو دلیێ دبت و دڤی دەمی دە دێ ل خۆ زڤرت و لێ ڤەبت ژ بریارا خۆ،هەروەسا دوو دلی ل جەم هەموو كەسی پەیدا دبت و هەموو قۆناغێن تەمەنێ ژیانێ دگرت و ئەڤ دیاردەیا دوو دلی لناڤ هەموو تەخ و چینێن جڤاكی دگرت مینا (هەڤال،كەسێن دەولەمەند ، فەرمانبەر ،قوتابی ،كچ ، كور)ڤەدگرت،لەورا هەركەسەكی ئەگەرەك یا هەیی ژ بۆ دوو دلیێ و كاچی ب سەرێ وی هاتیە دژیانێ دا و دڤێت دووبارە نەكت،چنكو گەلەك كەس هەنە ئاریشە بۆرا پەیدابووینە و هەموو دەما بریاردانا بلەز دوو دلیێ ل دووڤ خۆ دهێلت ، دیسان پێتڤیە هەموو تەخ و چینێن جڤاكی ل دەمێ هەر كارەكی دڤێت باش هزرا خۆ بكن،بەری بریاردانێ تاكو دوو دل و پۆشمان نەبن.
هەروەسا مامۆستایەكی نەخواست ناڤێ وی ئاشكەرا بت گۆت:دوو دلی دیاردەكە ل دەمەكی پەیدا دبت ل جەم مرۆڤی دەمێ تەمەنێ مرۆڤی دچتە د قۆناغا كاركرنێ دە ،ل دەستپَیكا هەر كارەكی مرۆڤ دكت ژبەر نەبوونا سەربۆرێن ژیانێ و ترس ژ ئەنجامێت داویێ و پەیدابوونا هزرێن بەربەلاڤ مرۆڤ تووشی دوو دلیێ دبت،هەروەسا دوو دلی دمینت ل سەر رەوش و ئەو ژینگەها ئەو مرۆڤە تیدا دژیت و ئەو داب و نەریتێن دەوروبەرێ وی كەسی ،ئەڤ دیاردە دوو دلی لجەم هەردوو رەگەزا پەیدادبت و پتر لجەم زەلامە پەیدا دبت.
ژبال خۆڤە (رەوشەن دەخیل) قوتابیەكە كچە دیاركر،دوو دلی روودانەكا دئێتە سەرێ مرۆڤی و مرۆڤ دكەفتە شەرێ دناڤبەرا عاقلی و دلی دا و نزانت بریارێ ل پێ دەنگێ دلێ خۆ یان عەقلێ خۆ بدەت و ئەڤ روودانە چ جڤاكی یان خێزانی بت یان تایبەت ب مرۆڤی ڤە ،ب دیتنا من خەلكێ رۆژهەلاتا ناڤین لدووڤ دەنگێ دلێ خۆ دچن و دلێ مرۆڤی زال دبت ل سەر عاقلی و مرۆڤ پتر تووشی ئاریشا دبت،چنكو دل وێ بریارێ د دەت یا وەكی مە دڤێت بێ دێ گۆمان بین،ئەگەر خەلكێ مە بریارێ لدووڤ دلێ خۆ بدەت دێ كێمتر راستە راستی ئاریشا بت.
تُتاح هذه الصورة أيضا في: کوردی