تەماشەكرنا زارۆكان بۆ ڤیدیۆیێن توندوتیژیێ،مەترسیە ل سەر جڤاكی
دیدار:جیهان عبۆ
بەرێ خۆ دانا زارۆكان بۆ دیمەن و ڤیدۆیێن داعشێ ل سەر ئەنتەرنێتی كارتێكرنا خۆ ل سەر زارۆكان كریە،كو ببنە جهێ مەترسیێ ل ناڤ جڤاكی دا،تایبەتمەندەكی دەروونی ژی دبێژت:پێدڤیە حكومەتا هەرێمێ دەزگەهێن رۆژنامەڤانیێ و راگەهاندنێ هشیار بكەتن كو نابت ڤان جۆرە ڤیدیۆیان بەلاڤ بكن.
سەبارەت بەلاڤكرنا ڤیدیۆیان و كارتێكرنا وان ل سەر زارۆكان،تایبەتمەندێ دەروونی ادهم ایسماعیل دیاركر،ئەگەر زارۆك ب بەردەوامی بەرێ خۆ بدەتا ئەڤان ڤیدیۆ و دیمەنا ئەو زارۆكە هێزا خۆ بەرزە دكت و ئەو زارۆك دبنە مەترسی ل ناڤ جڤاكی و هندەك ژوان زارۆكێن ئەو ڤیدیۆ دیتین ئێكسەر یان نەئێكسەر لسەر شاشێ ژ نوو ئەوان زانی،كو شەر و توند تیژی ب رێیا ئەڤان توند رەوان یا گرتین.
ادهم ایسماعیل خویاكرژی پەروەردە و رەفتارێ ڤی زارۆكی دی گەلەك ب زەحمەت بت و دێ كارێ خراب كەت و دێ بێهن تەنگ بت و دبتە خودان ئاریشە دگەلەخەلكی ،دیسان دێ هزر كەت و ترست ب شەڤێ و گەلەك پرسیاران ژی دێ كەت و هێز و شیان وباوەری ب خۆ نامینت ژبەر ئەوان دیمەنێن ڤیدیۆی ،ل سەر ڤێ چەندێ زانكۆیا پەنسسلڤانیا یا ئەمریكی ڤەكۆلینەك لسەر سەد زارۆكێن بچوك كر ئەوێن تەماشی ئەڤان دیمەنێن خراب دكەن و ڤەكۆلین لسەر زارۆكێن دی یێن تەماشی ئەڤان دیمەنان نەكری ئەڤ زارۆك یێن هەست نازكبون و ئاریشە نەبوون رازیبوون لسەر شەكرۆكێ،ئەوا زارۆكێ دیتر خودان ترس پرس بوون و دوژمناتی دگەل زارۆكێن دیتر دكر و تێكلی دگەل وان دكر و پتر بوونە خودان ئاریشە و نابنە هەڤال دگەل خەلكێ دیتر و هەردەم حسوود بوون و چ جار نە درازیبوون.
هەروەسا ناڤبری گۆتژی دڤێت دەزگەهێن مەیێن رۆژنامەڤانیێ و راگەهاندنێ وەكی رۆژنامە و تلەڤزیۆن و دەزگەهێن فرۆتنا ئەڤان جۆرە ڤیدیۆیا بێنە هشیار كرن ژلایێ حكومەتێ ڤەو پێدڤیە پێگربن و ئەڤان ڤیدیۆیا بەلاڤ نەكن و هزرا گران و زەحمەت بەلاڤ نەكەن لسەر شاشێن خۆ ،كو كوشتن و سەر برین و كارێن دژی مرۆڤایەتیێ تێدا بن تاكو كارتێكرنێ نەكەتە لسەردەروونێ زارۆكی ،دییسان داخوازێ ژ هەموو دایك و بابان دكەم بەردەوام چاڤدێریا زارۆكێ خۆ بكن و پَشت گوه نەهاڤێژن و زارۆكێ خۆ دوور بكەت ژ دیتنا ئەڤان جۆرە ڤیدیۆیا.
تُتاح هذه الصورة أيضا في: کوردی