دەمێ ترۆمبێلێ دهاژووی نابیت ڤان 10 خوارنا بخووی
نۆش نیوز:
ڤه‌كولینه‌كا كارگێریا رێكێن ب له‌ز و سلامه‌تیا هاتن و چوونێ و په‌یمانگه‌ها ڤیرجینیا یا ته‌كنولوژیا ڤه‌گوهاستنێ ل ئه‌مریكا داخواز ژ شوفێران كریه ل ده‌مێ هاژووتنا ترۆمبێلێ 10 جورێن خوارن و ڤه‌خوارنێ نه‌خون داكو خو و كه‌سێن دگه‌ل خو دا ژ مه‌ترسیێن رێكان ب پارێزن.
سایتێ ( ئه‌نشورنس) ل كایفلاند ئه‌وژی دیاركر كۆ 80% ژ روودانێن رێكان ژبه‌ر ڤان جورێن خوارن و ڤه‌خوارنێ په‌یدادبن و شوفێر دشێن ب كارنه‌ئینن و گوت: هه‌تا ئه‌گه‌ر شوفێر ل ده‌مێ هاژوتنا ترومبێلێ قه‌هوێ ژی ڤه‌خون، دبیت هنده‌ك ژێ ب رێژیته ب جلكێن ویڤه و ئێدی وی ئاگه‌هـ ژ خو نامینیت و یێ به‌رهه‌ڤه كه‌سه‌كی یان ترومبێله‌كێ ب هنگاڤێت و ئاریشه ژێ په‌یداببن و ئاماژه ب وێ چه‌ندێ ژی كر كۆ شوربه ژی هه‌ر وان ئه‌نجامان په‌یدادكه‌ت.
هه‌روه‌سان ڤه‌كولینێ گۆت: خوارنا سه‌نده‌ویچان و همبرگه‌را و مریشكێن بژارتی و چه‌نكێن مریشكان و گوشتێن جورا و جور و دیسان خوارنا حه‌لاوێ و تشتێن شرین ژی ده‌ستێن مرۆڤی نسه‌ك دكه‌ن و شوفێریێ دئێخن د مه‌ترسیێ دا.
ڤه‌كولینا ناڤبری شیره‌تان ل شوفێران دكه‌ت ڤه‌خوارنێن غازی یێن وه‌كو پیپسی و كوكا كولا ڤه‌نه‌خون و چكلێت و نسته‌له‌یان ژی نه‌خون، ژبه‌ركو ئه‌و دبنه ئه‌گه‌رێ قه‌بزبوونێ و مرۆڤ كونترولێ ل سه‌ر ترومبێلێ ناكه‌ت و ده‌لیڤا هنگافتنێ زێده‌دبیت.
تُتاح هذه الصورة أيضا في: کوردی
