هندی تو ژ ڤان پێنج خوارنا یێ دوور بی دێ ساخلهمیا ته باشتربیت
نوش نيوز:
نوشدار شیرهتان ل مه دكهن خوه ژ هندهك كهرستێن خوارنێ دوور بكهین، چونكو ئهو خوارن هندهك نیشانێن نهباش دیاردكهن و كارتێكرنێ ل لهشێ مرۆڤی دكهن، ژوان خوارنا ژی:
1- فشار ( یوب كورن): گهلهك كهس حهز ژ خوارنا وان دكهن و ب تایبهت ل دهمێ بینهریا تێلهفزیونێ یان ل گهل ههڤالان، و یا باشتر ئهوه بۆ دهمێ دو دهقیقا بكهیه دناڤ مایكروویفێ دا، چونكو ئهڤ جوره ژ روینهكی هاتینه چێكرن دبێژنێ ( دیاكیتیل) و ئهو روین ل گهل ترشیێن بیرفلوروكنان تێكهل دبن و ئهو ترشی پهنجهشێرێ پهیدادكهت.
2- ئارێ سپی: گهلهك جورێن خوارنێ ژ ئارێ سپی دهێنه چێكرن، ئارێ سپی گهلهك كارلوری یێن نهباش دناڤدا ههنه ل گهل هندهك كهرستێن باش ژی بۆ لهشی، ئهو شریناهیێ دناڤ ئارێ سپی دا ههی زوو دهێته ڤهگوهاستن و دبیته شهكرێن خراب و رێژا شهكرێ زێدهدبیت و دبنه ئهگهرێ قهلهویێ.
3- پیتزایێن دناڤ سهلاجێ دا دهێنه ههلگرتن: گهلهك كهس پشتی رۆژهكا پری وهستیان حهزدكهن پیتزایێ بخوون، و پتریا خهلكی دهێلنه دناڤ سهلاجێ دا، داكو زوو بهرههڤ بكهن، ئهو جورێ پیتزایێ گهلهك یێ ب زیانه، چونكو گهلهك خوێ و پهنیر و كهرستێن كیمایوی دناڤدا ههنه، ههروهسا كێم زهرزهوات دناڤدا ههنه، لهورا باشتره مرۆڤ خوه ژێ ب پارێزیت.
4- ڤهخوارنێن لایت: گهلهك وهسا هزردكهت ئهو ڤهخوارنێن ( لایت)، ل سهر دهێته نڤیسین یێن ڤالانه ژ شهكرێ، بهلێ دراستی دا وهسا نینن، چونكو ئهو كومپانیێن وان ڤهخوارنان دروست دكهن پێگوهۆرێن شهكرێ ب كاردئینن ، ئهوا پێگوهوران ژی زیانێن خوه ههنه و دبنه ئهگهرێ پهنجهشێرێ، لهورا باشتره مرۆڤ خوه ژێ دوور بكهت، چونكو ئهو ڤهخوارن ههستكرنا مرۆڤی ب برسیبوونێ زێدهدكهن.
5- پتاتێن قهلاندی: پتاتێن قهلاندی گهلهك روین و كالوری و خوێ دناڤدا ههنه، هندهك جارا رێژا روینی دناڤدا ژ 30% دهرباز دبیت، ههكه رۆژانه تو سێنیهكا بچووك بخووی دێ تێرا ته بۆ ههموو رۆژێ كالوری دابین بن، ل گهل ڤێ چهندێ دبیت رێیا قهلاندنا وان ببیته ئهگهرێ دروستكرنا كهرستێ ئهكریلامید، ئهو كهرسته جینێن مرۆڤی د گوهۆریت و دبیته ئهگهرێ بهربهلاڤبوونا پهنجهشێرێ.
تُتاح هذه الصورة أيضا في: کوردی