ژیێ ۳٥سالیێ دا ٥۰٪ شانسێ دووگیانیێ ل دەف ئافرەتێ کێمتر دبیت
نوش نیوز:
بەشەکێ زۆر ل ئافرەتان وێ پرسێ دکەن کا چ ژیەک(تەمەنەک)یێ گونجای و باشە بۆ دووگیانبوونێ، هەتا چەندین ڤەکولین ل سەر ڤی بابەتی هاتینە ئەنجامدان.
د.کریستین دونێنەن بسپۆرێ ئافرەت و زاروکبوونێ ل مالپەرێ(Womens health) بابەتەک لسەر گونجاوترین ژی بۆدووگیانێ بەلاڤ کریە و دیارکریە کو تا نها ژ رویێ زانستی چ ژیەک دیارنەکریە بۆ دووگیانبوونێ، ئەڤە ژی چونکی لاشێ هەر ئافرەتەکێ بۆ ئێکا دی جیاوازی یا هەی، بەلێ هەمی ل سەر وێ ئێکێ گەهشتنە ئێک ئەنجام کو ئافرەت هەتا ژیەکێ دشێن دووگیان بن کو پشتی دگەهنە ژیێ بێ هیڤییا دەوروا هەیڤانە دراوەستیت ونەشێن دووگیان بن.
ئاماژە ب وێ چەندێ دایە کو راستی دا دووگیان بوون د هندەک ژیاندا باشترە بۆ ئافرەتان و بۆ زازووکبوونێ، پشتی ژیێ ئافرەتێ دگەهیتە ۳٥سالیێ شیانێن زاروکبوونێ ل دەف لاواز دبن پشتی ژیێ ۳۷سالیێ ب رێژەکا بەرچاڤ ئەڤ چەندە دیاردبیت و دووگیانبوون زەحمەت دکەڤیت.
د.کریستین روهنکریە کو ئافرەت پێدڤیە هەم ژلایێ لاشی ڤە و هەم ژلایێ دەرونی ڤە ئامادەبن بۆ دووگیانبوونێ، پشتی ژیێ(۲۰)سالیێ کچ یا بەرهەڤە بۆ دووگیانبوونێ، ئەڤە ژی چونکی کوالێتی هێلکا ئافرەتێ باشترە ژ رویێ لاشی وب تەمامی یا ئامادەیە بۆ هەلگرتنا کورپەلەی و کێمترین کێشە دێ هەبن ل دەمێ دووگیانیێ دا.
ل ڤەکولینێ دا بەلاڤ کریە کو ئافرەت پشتی ژیێ ۳٥سالیێ شانسێ دووگیانبوونێ ٥۰٪کێمترە ژ وان ئافرەتێن ۲۰سالیێ دا شوی دکەن.
تُتاح هذه الصورة أيضا في: کوردی