كێشهیێن دناڤبهرا ههڤژینان دا ئهڤ مفایه ههنه
ئەڤرۆ نیۆز،زنار تۆڤی:
ڤهكۆلینهكا نوو یا ئهمریكی دهرێخستیه كو گرفت و كێشهیێن دناڤبهرا ههڤژینان دا و شهرهدهڤ دبیته ئهگهرێ ب هێزكرنا پهیوهندیان دناڤبهرا وان دا،بهلكو دبیته ئهگهرێ سهرخستنا وان،چونكی ههكه زێدهتر ژ كێشهیهكێ د حهفتیێ دا روو بدهت،دێ هاریكاریا وان كهت بۆ پاراستنا پهیوهندیێن دناڤبهرا وان دا.
ئهڤ ڤهكۆلینه ل پشكا خێزانی یا زانكۆیا مینیسۆتا یا ئهمریكی دهرچوویه،كو تێدا دهرێخستیه جۆداهی ههیه دناڤبهرا شهرهدهڤی و شهری دا،چونكی ئاخفتن و شهرهدهڤ و دانوستاندنا ههڤژینان ب رێیهكا ساخلهم و سلامهت دهێته دانان بۆ هێلانا ههستێ ئهڤینیێ ب رهنگهكێ كاریگهر،بهلێ ڤهشارتنا وان ههستان دێ بیته ئهگهرێ رووخاندنا وان پهیوهندیان.
ل دووڤ وێ ڤهكۆلینێ كو سایتێ(لایف هاك) بهلاڤكریه،كو دڤێت ههردو لا ههستێن خوه یێن باش و یێن خراب بۆ ئێكودۆ بێژن و دانوستاندنێ ل سهر بكهن و ئهڤه دێ بیته ئهگهرێ چارهسهریا كێشێن وان.
ئهڤ ڤهكۆلینه رێنماییان ددهته ههڤژینان بۆ هندێ كو نابیت ئهو خوه ژ شهرهدهڤی و دانوستاندنان دوور بێخن،بهلكو دڤێت پێكڤه روونن بۆ چارهسهركرنا كێشهیان،ژ پێخهمهت زێدهتر د ئێكودۆ بگههن.
تُتاح هذه الصورة أيضا في: کوردی