مارمێلكەیەكێ ئاڤى ل قهزا پشدەر دئێته ديتن
تۆرا لالش يا راگههاندنێ
لە چەند سەرچاوەیەكی ئاوی سنووری قەزای پشدەر چەند مارمێلكەیەكی ئاویی جیاواز دەردەكەون و شوێنەوارناسێكی سنوورەكەش چەند زانیارییەكیان لەبارەوە ئاشكرا دەكات.
ئیسماعیل نوورەدەینی، نوێنەری شوێنەوارناسانی راپەڕین بە (باسنیوز)ی راگەیاند: “ئەم گیاندارەی كە لە وێنەكە دیارە لە شێوەی مارمێلكە دایە، لە سەرچاوەی ئاوی گوندی (هوڕێوە)ی رۆژهەڵاتی قەڵادزێ وێنەی گیراوە جگە لەوەش لە كانی و سەرچاوەی تری هەندێك لە شوێنە ساردەكانی تری پشدەریشدا بوونیان هەیە وەكوو ( سولاوی دەوژان، ڕەزگە، قەڵاتووكان) و چەند شوێنێكی تر”.
گوتیشی: ئەو مارمیلكەیە لە هەندێ ناوچە پێی دەگوترێ (بووكە جندە) یان (فەقێ كوژە) و بەپێی زانیارییەكان لە هەندێ شوێنی وڵاتی دیكەی جیهانیش جۆریان هەیە وەك لە ئەمریكای باكوور، ئەورووپا و ئاسیا.”
دەربارەی ژیانی مارمێلكەی ئاوی، نورەدەینی گوتی: “تەمەنی مارمێلكەی ئاوی 2 بۆ 15 ساڵە، هێلكەش بە تەنیا بەسەر گیا ئاوییەكانەوە دادەنێ و لە ماوەی 3 هەفتەشدا هەڵیاندێنێ.”
نوێنەری شوێنەوارناسانی راپەڕین هێمای بۆ ئەوەش كرد كە بەپێی یاسای ژیانی كێوی و گوندی كە لە ساڵی 1981 دەرچووە، هەر جۆرە بازرگانی كردنێك بەم مارمێلكە ئاوییە كە 3 جۆری سەرەكیی هەیە قەدەغە كراوە.
تُتاح هذه الصورة أيضا في: کوردی