ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌یه‌ك مافێ په‌نابه‌ریێ ل سویسرا وه‌ردگریت!

سه‌یه‌ك مافێ په‌نابه‌ریێ ل سویسرا وه‌ردگریت!

ئه‌ڤرۆ نيوز:

به‌ری چه‌ند هه‌یڤان راگه‌هاندنا جیهانی به‌حسێ هندێ دكر كو دو پشیكا ل هه‌ر دو وه‌لاتێن كه‌نه‌دا و ئه‌لمانیا مافێ په‌نابه‌ریێ وه‌رگرتیه‌، لێ چیرۆكه‌كا سه‌یرتر ژ یا وان هه‌ردو پشیكا هاتیه‌ درۆژه‌ڤێ دا، كو سه‌یه‌كی مافێ په‌نابه‌ریێ ل وه‌لاتێ سویسرا یێ وه‌رگرتی و گه‌هشتنا وی بۆ سویسرا سه‌یرتره‌!.

ناڤێ سه‌یه‌كی د پاسپورت و ناسنامان دا (جیسی)یه‌، و ژ دایكبوویێ (15/8/2001)یه‌ و خودان گازی دكه‌تێ (توته‌)، چیرۆكا ڤی سه‌ی ل وه‌لاتێ سووریا وه‌لاتیه‌كی ب ناڤێ (مه‌عه‌ن كه‌عدان) ڤی سه‌ی بۆ كچا خوه‌ دئینیت و ب ناڤێ وێ ل سووریێ تۆمار دكه‌ت، و پشتی بارودوخێن سووریێ ئالۆز دبن، باب و سه‌ دمیننه‌ ب تنێ و پێكڤه‌ هه‌ڤالینیه‌كا موكم د ناڤبه‌را هه‌ردوكا په‌یدا دبیت، لێ ل دووماهیكێ (مه‌عه‌ن) ژی نه‌چار دبیت كو ئه‌و ژی وه‌ كو گه‌له‌كا بزاڤێ دكه‌ت كو ئه‌و و سه‌یێ خوه‌ ژ ژیانا وانا سه‌خت و دژوار ل سووریێ رزگار ببن و قه‌ستا ئورۆپا بكه‌ن، لێ گه‌هاندنا گیانه‌وه‌ره‌كی ب رێكێن قه‌چاخ بۆ ئورۆپا زۆر ب زه‌حمه‌تره‌ ژ گه‌هاندنا مرۆڤان، له‌وما مه‌عه‌ن سه‌یێ خوه‌ دگه‌هینیته‌ لبنان و ل وێرێ ددانیته‌ ده‌ف خێزانه‌كێ كو باوه‌ریا وی پێ دهێت كو دێ چاڤێ خوه‌ ده‌نه‌ سه‌یێ وی، مه‌عه‌ن ب تنێ قه‌ستا ئورۆپا دكه‌ت و دگه‌هیته‌ وه‌لاتێ سویسرا و ل وێرێ به‌ری داخوازا مافێ په‌نابه‌ریێ بۆ خوه‌ بكه‌ت، داخواز كر كو سه‌یێ وی بۆ بینن! لێ ده‌زگه‌هێ تایبه‌ت ب دانا مافێ په‌نابه‌ریێ داخوازا وی ره‌ت دكه‌ت و دبێژیتێ ئه‌و نه‌كارێ مه‌یه‌.

پشتی مه‌عه‌ن بێ ئومێد بووی كه‌سه‌ك ئه‌درێسێ رێكخراوه‌كا تایبه‌ت ب مافێ گیانه‌وه‌ران دده‌تێ و مه‌عه‌ن قه‌ستا وێ رێكخراوێ دكه‌ت و داخوازا ئینانا سه‌یێ خوه‌ دكه‌ت، ده‌ملده‌ست ئه‌و رێكخراو سۆزێ دده‌تێ كو دێ سه‌یێ وی ب زووترین وه‌خت بۆ ئینن، پشتی ره‌زامه‌ندیا حكوومه‌تا سویسری وه‌رگرتی (توته‌) ژ لبنانێ ڤه‌دگوهێزنه‌ فره‌نسا و ل وێرێ بله‌ز چه‌ندین پشكنینێن ته‌ندروستی بۆ دهێنه‌ كرن كو پاره‌كی زۆر لێ دچیت و ل دووماهیكێ بۆ مه‌عه‌نی دگه‌هیننه‌ سویسرا و ل وێرێ ئێكسه‌ر توته‌ مافێ په‌نابه‌ریێ وه‌ردگریت وچه‌ندین نشته‌رگه‌ریێن بله‌ز بۆ دهێنه‌ كرن مینا چێكرنا ددانێت وی و دانانا وی بن چاڤدێریه‌كا باش داكو ژلایێ ده‌روونی ڤه‌ بهێته‌ ئاماده‌كرن بۆ ژیانه‌كا نوو!! نوكه‌ ژی توته‌ دگه‌ل خودانێ خوه‌ یێ كو هه‌تا نوكه‌ مافێ په‌نابه‌ریێ نه‌وه‌رگرتی وه‌كو ئه‌و دبێژیت: دگه‌ل سه‌یێ خوه‌ دكه‌مپه‌كا په‌نابه‌را دا ل باژێرێ جنێف دژین و دیار كر كو چاڤێ خوه‌ پتر دده‌نه‌ توته‌یێ ژ وی!.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi