دەستەیا بلندا بنگەهێ لالش چار پەرتوکێن نوو وەشاندن
دهۆک- تۆڕا لالش یا ڕاگەهاندنێ
ئێک ژ ئەرک و کار و بزاڤێن دەستەیا بلندا بنگەهێ لالش نڤیسین و تۆمارکرنا دیرۆک و کەلتور و چاندا ئێزدیانە دچارچۆڤێ ڕۆشەنبیریا کوردیدا و زەنگین کرنا پەرتۆکخانەیا کوردستانی یە، ژڤی پرەنسیپی کار دڤی چارچۆڤەی دا هاتییە کرن.
لدۆر ڤێ یەکێ بەرپرسێ پشکا ڤەکۆلینان ل دەستەیا بلندا بنگەهێ بۆ تۆڕا لالش یا ڕاگەهاندنێ گۆت : پشتی کۆنگرێ چاردێ یێ دەستەیا بلندا بنگەهێ لالش و دەست بکاربوونا مە ل پشکا ڤەکۆلینان مە بزاڤ کرییە ئەوا گرێدایی چاند و دیرۆک و رەوشنبیریێ بت تۆمار و بنڤیسین.
داود خەتاری بەرپرسێ پشکا ڤەکۆلینان ل دەستەیا بلندا بنگەهێ لالش د بەردەوامیا ئاخفتنا خۆدا گۆت : ژبەر ڤێ یەکێ نها چار ژ وەشانێن هەرە گرنگ یێن نڤیسەر و ڤەکۆلەرێن دقادا رەوشنبیریێ دا مە وەشاندینە کو بریتی یە ژ چار پەرتوکێن ب نرخ و بەها دهمبێزا چاندا ئێزدیناسیێ و کوردیاتیێ دا.
خەتاری ئەو چەندە ژی ئینا زمان :پەرتۆکێن هاتینە وەشاندن ب زمانێن (عەرەبی و کوردی) و ژلایێ نڤیسەرێن ناڤ و دەنگێن ناڤا قادا نڤیسین و بەلافکرنێ دا و ل ژێر ئەڤان ناڤ و نیشانان
1. الاقليات الدينية (1914، 1941) د. (عدنان زيان فرحان)
2. الكلمات الكرمانجية في لغة أهالي بحزاني وبعشيقة (عرب شنكالي)
3. مفهوم الألوهية عند الايزدية والزرادشتية والصابئة والمندائية (الدكتورة حنان نوري الياس)
4. هندەک ڤەکۆلین ل دۆر ئەدەب و رۆشنبیریا کوردی (حجي جعفر).
س.س
تُتاح هذه الصورة أيضا في: کوردی
