كارەساتا شنگالێ هاندام پتر سترانا بێژم
دیدار:خێرهات بێدرڤان
ستران بێژێ چیایێ شنگالێ(تەحسین فەقیر خدر)ژ زارۆكینیا خۆ حەژ سترانێن فلكلۆری كریە و ل بەر دەستێ بابێ خۆ فێری سترانا رەسەن بوویە،ددیدارەكا كورت دا بۆ رۆژنامەیا دەنگێ لالش راگەهاند،كارەساتا شنگالێ كارتێكرن ل وی نەكریە كو سترانێ بهێلت،بەلكو پتر هاندام سترانا بێژم ،هەروەسا هەتا نۆكە ل سەر گۆتنا سترانان یێ بەردەوامم،دبێژت ژی پشتی بابێ وی وەغەركری وی هەولدا ب ناڤێ بابێ خۆ ببتە سترانبێژەكی ناڤدار.
دەربارەی ستران گۆتنێ(تەحسین فەقیرخدر) گۆت:ل سالا 1996وی دەست ب گۆتنا سترانا فلكلۆری كریە و تا نۆكە یێ بەردەوامم ل سەر ستران گۆتنێ،حەژێكرنا من بۆ سترانێن بابێ من هەولدام ببمە ستران بێژ و بابێ من ژی هەول ددا ببمە سترانبێژەكی ناڤدار و وەكی وی لێ بێم ،لەوا دەمێ ئەو دچۆ دیوانا و ستران دگۆتن ئەژی ل گەل دچۆم داكو بزقا وی ژێرا راكەم و فێری سترانێ ل دیوانا ببم.
سەبارەت كارەساتا شنگالێ دیاركر،كارەساتێ كارتێكرن ل وی نەكریە كو سترانێ بهێلت،بەلكو پتر هاندام سترانا بێژم،ژبەركو ژیان یا بەردەوامە و نابت خۆ بێ هیڤی بكەین.
ل داویێ ژی ناڤبری گۆت:پشتی بابێ وی وەغەركری وی هەولدا ب ناڤێ بابێ خۆ ببتە سترانبێژەكی ناڤدار،لەوا من خۆ بهێزكر بەرامبەر سترانا فلكلۆری،پاشی ل دووڤ داخوازا خەلكی بەشداری شەش كۆنسێرتا ل توركیا بووم و ژلایێ چەندین دەزگەهێن راگەهاندنێ ڤە هاتمە مێڤانكرن.
تُتاح هذه الصورة أيضا في: کوردی