ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بەرپرسێ‌ تیپا گرعزێر یا هۆنەرێ‌ شانۆیێ‌:ل نێزیك دێ‌ ڤەگەرینە كوردستانێ‌ و چەندین كارێن هۆنەری ئەنجام دەین

بەرپرسێ‌ تیپا گرعزێر یا هۆنەرێ‌ شانۆیێ‌:ل نێزیك دێ‌ ڤەگەرینە كوردستانێ‌ و چەندین كارێن هۆنەری ئەنجام دەین

تۆرا لالش:

بەرپرسێ‌ تیپا گرعزێر یا هۆنەرێ‌ شانۆیێ‌ دیاركر،ل دەمەكێ‌ نێزیك دێ‌ ڤەگەرنە كوردستانێ‌ و چەندین كارێن دی یێن هۆنەرێ‌ شانۆیێ‌ ل سەر رەوشا نۆكە یا ئێزدیان ئەنجام دەن.
سالم حسێن، بەرپرسێ‌ تیپا گرعزێر یا هۆنەرێ‌ شانۆیێ‌ بۆ رۆژناما دەنگێ‌ لالش راگەهاند،تیپا گرعزێر یا هۆنەرێ‌ شانۆیێ‌ ل سالا 1998ل سەر دەستێ‌ كۆمەكا قوتابیان هاتیە دامەزراندن،وی دەمی ئەم كۆمەكا قوتابیان بووین و حەزا مە ل سەر هۆنەرێ‌ شانۆیێ‌ هەبوو و گەلەك جارا مە شانۆگەری چێ‌ دكرن ل قوتابخانێ‌ و ژ دەرڤەیی قوتابخانێ‌ ژی،زێدەباری گەلەك كورتە فلم ژی ژ ئالیێ‌ ڤێ‌ تیپێ‌ ڤە هاتینە چێكرن ل دەڤەرا شنگالێ‌ ،لێ‌ وی دەمی نەدهاتن وێنەكرن و ئێكەم شانۆگەریا وان یا كو هاتیە وێنەكرن ل سالا 1999 بوو،ب وێنەكرنا وێ‌ شانۆیێ‌ خەلك گەلەك دلخۆش بوو،دناڤ خەلكی دا دەنگ ڤەدا.
زێدەتر گۆت:ل سالا 2003كورتە فلمەك بناڤێ‌ فلمێ‌(مچۆ و رەشۆ) هاتە وێنەكرن و ئێكەم فلمێ‌ كوردی بوو ل شنگالێ‌ هاتە چێكرن و جەماوەرەكێ‌ مەزن پەیداكر و رۆژ بۆ رۆژێ‌ حەزژێكەرێن ڤێ‌ تیپێ‌ زێدەبوون و ئەڤ فلمە نەبتنێ‌ ل كوردستانێ‌ و عێراقێ‌ هاتە بەلاڤكرن،بەلكو ل سووریا و توركیا و هندەك وەلاتێن ئەورۆپی ژی هاتە بەلاڤكرن،هەروەسا هژمارەكا دی یا فلمان ل سەر دەستێ‌ ڤێ‌ تیپێ‌ هاتینە چێكرن و پتریا وان ل شنگالێ‌ هاتینە وێنەكرن،دهەمان دەمدا سێ‌ شانۆگەری ژی هاتینە چێكرن یێن دەنگڤەدایی دناڤ خەلكی دا.
هەروەسا دیاركر،ل داویا سالا 2011 تیپا وان ژلایێ‌ حكومەتا هەرێما كوردستانێ‌ ڤە ب فەرمی هاتە دامەزراندن و ل داویا سالا 2012 بەخشینە بۆ هاتە تەرخانكرن و ب پشتەڤانیا حكومەتا هەرێمێ‌ كارێ‌ تیپا مە بهێزتر بوو هەتا سالا 2014،پشتی جینۆسایدا شنگالێ‌ شەش كورتە فلم دماوێ‌ سێ‌ هەیڤان ل سەر دەستێ‌ ڤێ‌ تیپێ‌ هاتنە چێكرن و ل سالا 2015 ئێكەم شانۆیا تراژیدی چێكرن ل سەر جینۆسایدا شنگالێ‌ بناڤێ‌(شەڤا مرنێ‌)،زێدەباری فلمەكێ‌ دن ژی پشتی جینۆسایدا شنگالێ‌ هاتیە چێكرن و تێدا بەحسێ‌ چاوانیا پێشوازیكرنا كچ و ژنێن رزگاربوویێن ئێزدی ژ دەستێ‌ تیرۆرستێن داعشێ‌ دهاتە كرن ،ئەڤ فلم ل گەلەك وەلاتان هاتە بەلاڤكرن ب تایبەت ل ئەورۆپا.
ناڤهاتی ل داویێ‌ گۆت:پشتی كو بۆ ماوەیەكی ڤەقەتیاین ژ كارێن هۆنەری،ل دەمەكێ‌ نێزیك دێ‌ ڤەگەرنە كوردستانێ‌ ڤە و بۆ ماوێ‌ دوو هەیڤان دێ‌ مینن،ژبۆ ئەنجامدانا چەندین كارێن دی یێن هۆنەرێ‌ شانۆیێ‌ ل سەر رەوشا نۆكە یا ئێزدیان.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi