موزیك زمانەكێ جیهانی یە
تۆرا لالش:
موزیكژەنێ گەنج (رێبەر شاكر دەروێش) یێ بەرنیاس ب رێبەر رۆژ،ئێك ژ موزیكژەنێن دەڤەرا شێخانە،نۆكە قوتابیێ قۆناغا چارێ یە ل پەیمانگەها هۆنەرێن جوان ل پشكا موزیكێ و دیاركر،موزیك زمانەكێ جیهانی یە و ب پارچەیەكا موزیكێ خووندەڤان و نەخووندەڤان دەربرینێ ژ هەستێن خۆ دكن.
رێبەر شاكر،بۆ رۆژناما دەنگێ لالش دیاركر،ل سالا 2014ێ هاتیمە دناڤا ژیانا هۆنەری دا و دبینم موزیك زمانەكێ جیهانی یە،ژبەركو كەسێن خووندەڤان و نەخوندەڤان ب پارچەیەكا موزیكێ دەربرینێ ژ هەستێن خۆ دكن،چەندین پارچە موزیك چێكرینە و پشكداری د چەندین كلیپان داكریە و نۆكە دچمە شەهیان و داوەتان،بۆ ماوێ هەشت سالانە فێری ئۆرگێ بوویم پیانویێ ژی دزانم و ئامیرێ سازێ ژی دژەنم و د نۆكە ژی دا خۆ فێری عودێ و كەمانێ ژی دكەم،هیڤیا من ئەوە ل پاشەرۆژێ فێری هەموو ئامیرێن موزیكێ ببم.
خویاكری ژی كو خێزانا وی پالدەر و پشتەڤانێن وی یێن سەرەكی بووینە و هەتا نۆكە د بەردەوامن.
تُتاح هذه الصورة أيضا في: کوردی
