هونه‌ر ئه‌ركه‌كێ مه‌زن و باره‌كێ گرانه
ئه‌ڤرۆ نيوز:
شێوه‌كار (سولین ناریمان خه‌مۆ) د دیداره‌كێ دا بۆ رۆژناما ئه‌ڤرۆ دیاكر كو ل سالا 2016 ئه‌و وه‌ك قوتابی ل كولیژا هونه‌رێ شێوه‌كاری هاتیه وه‌رگرتن، هه‌ر ل وی ده‌می ده‌ست ب چێكرنا كه‌ڤالان كریه، ناڤه‌رۆكا پتریا كه‌ڤالێن وێ ل دۆر كاره‌ساتا شنگارێ و ئاوارانه.
سولینێ گۆت: ژبلی كارێ شێوه‌كاری ئه‌ز ئه‌نداما تیپا شاریا یا هونه‌رێ مللی مه و بۆ من جهی شانازیێ یه ل گه‌ل ڤێ تیپێ كار دكه‌م، چونكو ب ڤێ ریكی ئه‌م جلكێن خوه یێن كلتۆری بۆ كه‌سانێن بیانی دده‌ینه نیاسین، هه‌روه‌سا دپارێزین ژی، بۆ زانین ئه‌ز دناڤ مالباته‌كا هونه‌ری دا مه‌زن بویمه و ڤێ چه‌ندێ كارتێكرنه‌كه مه‌زن ل سه‌ر هزر وبیرین من هه‌بوویه كو ئه‌ز ژی بچمه دناڤ هونه‌ری دا و هه‌تا راده‌كی ب رێكا چێكرنا كه‌ڤالان ئه‌ز شیایمه ئیش و ئازارێن ملله‌تێ خوه بۆ خه‌لكه‌كی بده‌مه دیاركرن.
ل دووماهیێ گۆت: ئه‌ز دبینم هونه‌ر ئه‌ركه‌كێ گه‌له‌ك مه‌زن و باره‌كی گرانه، دڤێت مرۆڤ ب جوانی ڤی بارێ هه‌لبگریت سه‌ره‌ده‌ری دگه‌ل بكه‌ت، راسته هونه‌رێ شێوه‌كاری هه‌تا نوكه نه‌بویه ده‌رگه‌هه‌ك وه‌ك داهاتیه‌ك بۆ ژیانا من، به‌لی ئه‌ڤه حه‌زا منه و دێ یا به‌رده‌وام بم.
تُتاح هذه الصورة أيضا في: کوردی
