پرتووكخانهك ل گوندێ خوه ڤهكریه
ئهڤرۆ نيوز:
جهنان شاكر، كچهكا خهلكا گوندێ سێریچكایه، د دیدارهكێ دا بۆ رۆژناما ئهڤرو دیاركر كو دهرچویا زانكۆیێ یه و پرتووكخانهك ل گوندێ خوه ڤهكری یه و دبێژیت ئهز كچا ئێكێ مه ل گوندی بڤی كاری رابوویم و ئهڤه ئێك ژ خهونێنن من بوو، بۆ زانین بهرێ نوكه ب رێیا ئۆنلاین من پرتووكێن خوه د فرۆتن، ب تایبهت ژی ل سهر دهمێ كۆرۆنایێ دا و ئهز یا بهردوام بووم ههتا من شیای خهونا خهوه ب جه بینم، ئهڤرۆ ببمه ئێكهم كچ ل گوندێ سێرێچكا پرتووكخانهكێ ڤهكهم.
زێدهتر گۆت: ل ڤێره ههموو جۆرێن پرتووكان مه ههنه كو خواندهڤان دشێن مفایێ ژێ وهربگرن، بۆ ڤێ جهندێ ژی خهلكێ گوندی پێشوازیهكه جوان ل من كرن و ئێك ژ ئارمانجێن من بوو ب رێیا پرتووكخانێ ئهز بشێم رهوشهنبیرێ دناڤ جفاكێ خودا بهلاڤ كهم، ب تایبهت ژی تهخا گهنجان چونكو گهنج هێزا وهلاتی نه، لهورا هیڤی خوازم ههر كهسهكی خهونهك ههبیت دهستا ژێ نه بهردهت، ب تایبهت ژی كچ و ژن، چونكو هێشتا دناڤ جفاكێ مهدا هندهك كار بۆ ئافرهتێ ب شهرهم دهێنه دیتن.
تُتاح هذه الصورة أيضا في: کوردی