موزیكژەنەك:گەنج ژ فلكلۆرێ كوردی دووركەفتینە و گوهداریا موزیكا بیانی دكن
تۆرا لالش:
موزیكژەنێ گەنج (ڤەگەر نەوزاد) ژ مالباتەكا هۆنەری ل كۆمەلگەها شاریا ژدایكبوویە دكورتە دیدارەكێ دا بۆ رۆژناما دەنگێ لالش راگەهاند،گەنجێن مە ژ فلكلۆرێ كوردی دووركەفتینە و گوهداریا موزیكا بیانی دكن،ب رێیا ڤەكرنا خۆلان بزاڤان دكەم گەنجان نێزیكی موزیكا كوردی بكەم.
ڤەگەری گۆت:هەر ل زارۆكینیێ دا حەز لسەر ژەنینا ئامیرێن موزیكێ هەبوویە،ژبەركو ژ مالباتەكا هۆنەری مە بتر حەز بۆ وی پەیدابوو خۆ فێری ئامیرێ سازێ بكت،و نهۆ دەفێ و تمبلك و باركێشن و دەهۆلێ ب باشی دزانم و بتر ژ هەموو ئامیران بتنێ حەزا ئامیرێن رتمی هەیە و ل ئایندەی دێ خۆ فێری هندەك ئامیرێن دیتر ژی كەم،هەروەسا دێ بزاڤان كەم بتر خۆلێن موزیكێ ڤەكەم داكو گەنجان نێزیكی موزیكا كوردی بكەم،ژبەركو نهۆ ژ فلكلۆرێ كوردی دووركەفتینە و گۆهداریا موزیكا بیانی دكن.
ناڤهاتی دیاركر،نهۆ ل رێكخراوا بەهارا هیڤیا ل كەمپا شاریا كاردكەم و كۆمەكا كور و كچان فێری ئامیرێ دەفێ كریە و وێنەگەرێ كەنالێ سەما تی ڤی مە،هیڤیخوازم پشتەڤانیا گەنجێن خودان بەهرە بێتە كرن،داكو گەنج بكارن بەهرەیێن خۆ دیاربكن.
تُتاح هذه الصورة أيضا في: کوردی