كالۆ گرنووس مژوولی دوو بەرهەمێن هۆنەری یە
تۆرا لالش:
كالۆ گرنووس ئێك ژ هۆنەرمەندێن بەرنیاسێن شنگالێ یە،هەتا نهۆ زێدەتر ژ(25) ستران و مەوالان وچار كلیپان تۆماركرینە و ستران لسەر فرمانا شنگالێ گۆتینە،نهۆ مژوولی بەرهەڤكرنا دوو بەرهەمێن نوو یێن هۆنەری یە.
هۆنەرمەندێ شنگالێ (كالۆ گرنووس) بۆ رۆژناما دەنگێ لالش دیاركر، كالۆ ل تەمەنێ پازدە سالیێ دا دەست ب گۆتن و چێكرنا سترانان كریە،بتر حەز لسەر گۆتنا سترانێن داوەت و شەهیانان هەیە،هەتا نهۆ زێدەتر ژ(25) ستران و مەوالان وچار كلیپان تۆماركرینە و ستران لسەر فرمانا شنگالێ گۆتینە،نهۆ ژی مژوولی دوو بەرهەمێن دی یێن هۆنەری مە كو پێكهاتی یە ژ مەوالەك و سترانەكێ بەرهەڤكرینە بۆ كلیپكرنێ و ناڤەرۆكا وان چیرۆكەكا ئەڤینیێ یە،دووپاتكر ژی گەلەك بەرهەم هەنە ئەگەر هاریكاری بێتە كرن ل داهاتی دێ بتر كلیپان بەلاڤ بكەم.
هەروەسا دیاركر،هۆنەرمەندێن شنگال هاتینە پشتگۆهاڤێتن،لەورا دخوازم لایەنێن هۆنەری بتر خزمەتا هۆنەرمەند و هۆنەرێ شنگالێ بكن،داكو فلكلۆر و سترانا شنگالێ بێتە پاراستن و تۆمارگەهێن هۆنەری و پەیمانگەه ب كلتۆر و فلكلۆرێ ئێزدیان بێنەڤەكرن،ژبەركو بتر هۆنەرێ ئێزدیان دێ زەنگین بت،چنكو هۆنەرێ مە ناسناما مەیە.
تُتاح هذه الصورة أيضا في: کوردی