حەزا وی بتر لسەر سترانێن فلكلۆری هەیە
تۆرا لالش:
سترانبێژێ گەنج فەرحان پیر حسێن كو خەلكێ قەزا شنگالێ یە و نهۆ ل وەلاتێ ئەلمانیا دژیت،د دیدارەكێ دا بۆ رۆژناما دەنگێ لالش دیاركر كو ل سالا (2008)ێ دگەل بابێ خۆ دەست ب ستران گۆتنێ كریە،مالباتا وی پشتەڤانیا وی كریە،ئەو ئامیرێ تەمبوورێ ژی دژەنت و كلیپەك ژی چێكریە و حەزا وی بتر لسەر سترانێن فلكلۆری هەیە.
فەرحانی گۆت: ئێك ژ ئەگەرێن وی و ستران گۆتنێ بابێ وی ب خۆ بوویە بابێ وی هەلبەستڤان بوویە و گەلەك چیرۆك و ستران و سەرهاتی دزانین،هەر بابێ وی بوویە پشتەڤانیا وی كریە،گەلەك ستران ژ بابێ خۆ و ژ هەلبەستاڤنێن دی هەلگرتینە لێ بتر سترانێت پیر گرۆ دبێژت،ئەگەرێ دووێ ژی ستران بەشەكە ژ دیرۆكا ئێزدیان و من دڤیا بڤێ رێ خزمەتا مللەتێ خۆ بكم،هەروەسا ئەو دزانت سترانێن فلكلۆری و یێن مودرێن ژی بسترێ لێ مەیلا وی بتر لسەر یێن فلكلۆری دایە و ئامیرێ تەمبوورێ ژی دژەنم و كلیپەك چێكریە بناڤێ (غەزالا مێهركی).
هەروەسا دیاركر، سترانێ گرنگیا خۆ بۆ شنگالێ و ئێزدیان هەیە،لەوا داخوازاێ ژ سترانبێژان دكەین بتر گرنگیێ ب سترانێن خۆ یێن فلكلۆری بدەن،دیسان گەلەك قەهرەمان وعەگید و خۆشمێر ل ناڤ ڤان سترانان دا دئێنە دیتن دڤێت وان ژبیر نەكەین.
تُتاح هذه الصورة أيضا في: کوردی