ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مللەت محەمەد:سەما دامای

سەما دامای
مللەت محەمەد
ل ڤان ئێڤاران
رۆژ یێن ژ رەنگێ‌ خۆ دترسن
هەستیێت مری یێن ژێ‌ دكەڤن
ژ بابەلیسكا پایزێ‌ درەڤن
پاشی دكەڤن
ڤێ‌ پاێزێ‌
چ ژمە دڤێتن ؟
دێ‌ چەند رۆندكێت من ڤەخۆتن ؟
دێ‌ چەند دلێ‌ من گریتن ؟
گڤێشیتن
ژ كەنی و یادا ڤەدەركەتن
گرنژینا ڤالا كەتن
زمانێ‌ من ژكەلالیچكا من شكێنیت
بتنێ‌ من ب رۆندكا داخ دكەتن و ئێشینیتن
چ پەیڤەكا ژ چاڤێت من و تە كەتبیتن
یا دڤەشێریت و بن ئاخ دكەت
یا ب ئێڤارێت مە دگرنژیت
رۆندكا درێژیت
وێ‌ چ لبەرە
چ ژمە دڤێتن
دێ‌ چەند داخا
لسەر سنگێ‌ من یێ‌ هێش ب كەنیاتە تێرنەبووی كەتن
ئازارێت وان
دێ‌ ب سەرێ‌ وان هەمبێزێت شەڤە رەشێت مە ڤەكەتن
دێ‌ چەند ئاوازێت ساڤا
دگەل سترانێت من یێت هێش نەرابووین وەستیك و گاڤا
سترینیتن
شەڤێت درێژ یێت مە مەست دكەت
بتنی دا پیرە یا دا نەبینم
چ نمە نمە ب من دكەنیت
چ بێ‌ دەنگیە شەڤێ‌ دگریت
چیرۆكا عەشقا من و تە بۆ تەڤا هەیڤێ‌ دخووینیت
دناخێ‌ خۆدا دكەلیت
دناڤ رۆندكێت خۆ یێت گەرم دا
دڤەلەرزیت
نە چ دخووینیت
نە چ دبینیت
بتنێ‌ یا ئازارا دكێشیت
یا دكەڤیت و بێ‌ دەنگ دمینیت

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi