ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شێخ سلێمان شنگالی: ستران ژ دلێ‌ خوه‌ش دهێت و باران ژ عه‌ورێ‌ ره‌ش دهێت

شێخ سلێمان شنگالی: ستران ژ دلێ‌ خوه‌ش دهێت و باران ژ عه‌ورێ‌ ره‌ش دهێت

ئه‌ڤرۆ نيوز:

ده‌مێ‌ پتری 10 سالانه‌ سترانێن فلكلۆرێ‌ شنگالێ‌ دبێژیت، ستران پتریا سازیێن راگه‌هاندنێ‌ گۆتینه‌ و پتر گرنگی دایه‌ فلكلۆرێ‌ شنگالێ‌ و پاراستینه‌ و پتریا سترانێن وی ب چیرۆك دهێنه‌ گۆتن.

ده‌نگبێژ شێخ سلێمان شنگالی، بۆ به‌رپه‌رێ‌ هونه‌ری یێ‌ رۆژناما ئه‌ڤرۆ گۆت: ل سالا 1980 ژ دایكبوویمه‌، ل سالا 2001 من ده‌ست بۆ گۆتنا سترانان كریه‌، پتریا سترانێن دبێژم ژ مامێ‌ خوه‌ فێر بوویمه‌، به‌لێ‌ ئه‌ز ب خوه‌ ێری ژه‌نینا ته‌مبوورێ‌ بوویمه‌، پتریا سترانێن دبێژم چیرۆكن و هه‌موو جورێن سترانا ژی بێژم و حه‌زا من پتر ل سه‌ر سترانێن خه‌مگینه‌ و نه‌یێ‌ په‌شێمانم بوویمه‌ سترانبێژ، نه‌بتنێ‌ سترانێن فولكلۆری به‌لكو سترانێن نووخواز ژی وه‌ك په‌یڤ و ئاواز دبێژم كو گه‌له‌ك ژ په‌یڤ و ئاوازێن من و تایبه‌ت ده‌مێ‌ كاره‌ساتا شنگالێ‌ من ستران دروستكرینه‌ و گۆتینه‌، ستران ل گوره‌ی جهی جوداهی هه‌یه‌ بۆ سترانبێژی و ل گه‌له‌ك دیوانا د روونینه‌ خوارێ‌، لێ‌ نه‌ ژ دلێ‌ خوه‌ سترانێ‌ دبێژین و هنده‌ك جاران ل گه‌ل چه‌ند هه‌ڤالان سترانێ‌ دبێژین و ژ دلێ‌ خوه‌ دبێژین، ستران ژ دلێ‌ خوه‌ش دهێت و باران ژ عه‌ورێ‌ ره‌ش دهێت. شێخ سلێمانی ئه‌و ژی گۆت: سترانا فلكلورێ‌ شنگالێ‌ نه‌ مولكێ‌ كه‌سێ‌ یه‌، به‌لكو مولكێ‌ هه‌موو خه‌لكی یه‌ و هه‌می ستران فولكلۆرن و گه‌له‌ك جاران بۆ ده‌مێ‌ 12 ده‌مژمێران ل دووڤ ئێك مه‌ ستران گۆتینه‌ و بێ‌ ئێك ستران ژی بهێته‌ دووباره‌كرن، حه‌ز دكه‌م ل گه‌ل هه‌موو سترانبێژان دو قۆلی بێژم ب تایبه‌ت جه‌لو شنگالی و ده‌خیل كورو ژی.

شێخ سلێمان شنگالی گۆت: ده‌مێ‌ زارۆ ژ مامێ‌ خوه‌ فێری گۆتنا سترانان بوویمه‌، به‌لێ‌ یێ‌ په‌شێمانم من گه‌له‌ك گوهداری یا مامێ‌ خوه‌ نه‌كر و پێدڤی بوو من گه‌له‌ك ستران ژێ‌ وه‌رگرتبان و ب مخابنی ڤه‌ هێشتا ئه‌ز زارۆ وی وه‌غه‌را دووماهیێ‌ كر، ده‌مێ‌ ل شه‌هیانا سترانان دبێژم سترانا ئه‌ڤینیێ‌ خوه‌شتره‌ و هه‌كه‌ دیوانه‌كا مرۆڤێن مه‌زن تێدا هه‌بن گومان نینه‌ سترانه‌كا شه‌را خوه‌شتره‌.

هه‌مان سترانبێژ گۆت: ده‌نگێن زه‌لال گه‌له‌ك تشته‌كێ‌ خوه‌ش و هنده‌ك كه‌س هه‌نه‌ ل شنگالێ‌ ده‌نگ خوه‌ش نینن، لێ‌ سه‌لیقا سترانێ‌ یا ل ده‌ف خوه‌شه‌، هنده‌ك ده‌نگ هه‌نه‌ سه‌لیقه‌ نینه‌ و نابیت هه‌موو ببنه‌ سترانبێژ، به‌لكو هه‌ر كه‌سه‌كی كارێ‌ خوه‌ هه‌یه‌ و دسترانێ‌ گۆتنێ‌ دا گرنگه‌ ئامیره‌كێ‌ مۆزیكێ‌ ل گه‌ل سترانبێژی هه‌بیت، من گه‌له‌ك حه‌ز ژ سترانێن (عه‌بدولواحد زاخۆیی) و (كاویس ئاغا) دكر و سترانێن ئه‌ڤان هونه‌رمه‌ندان تامه‌كا تایبه‌ت هه‌یه‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi