ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بزاڤێن ڤەكرنا سەندیكایەكا سەربەخۆ بۆ هۆنەرمەندێن شنگال دئێنە كرن

بزاڤێن ڤەكرنا سەندیكایەكا سەربەخۆ بۆ هۆنەرمەندێن شنگال دئێنە كرن

تۆرا لالش یا راگەهاندنێ‌

شنگال دەڤەرەكا بەرنیاسە ب هۆنەرێ‌ خۆ و ژمارەكا مەزن یا هۆنەرمەندان ل شنگال هەنە و هۆنەرمەندێن وێ‌ رۆلەكێ‌ مەزن دگۆتنا سترانێن فلكلۆرێ‌ كوردی دا هەیە،هەروەسا بزاڤێن ڤەكرنا سەندیكایەكا سەربەخۆ بۆ هۆنەرمەندێن وێ‌ دئێنە كرن داكو گلە و گازندە و ئاریشێن وان بێنە چارەسەكرن.
(مەحمود خەلەف)هۆنەرمەندەكێ‌ فلكلۆری یێ‌ دەڤەرا شنگالێ‌ یە بۆ رۆژناما دەنگێ‌ لالش دبێژت:شنگال دەڤەرەكا بەرنیاس و زەنگینە ب هۆنەرێ‌ خۆ لێ‌ مخابن تشتەك ژبۆ هۆنەرمەندێن شنگال نەهاتیە كرن و هۆنەرمەندێن شنگال رۆلەكێ‌ مەزن دگۆتنا سترانێن فلكلۆرێ‌ كوردی دا هەیە،ل دەمێ‌ جینۆسایدا ئێزدیان لسەر دەستێ‌ داعش رۆلەكێ‌ بەرجاڤ هەبوو د گەهاندنا ئێش و ئازارێن خەلكێ‌ دا،بەری هاتنا رێكخراوا تیرۆرستیا داعشێ‌ داخواز كربوو كو لقەكەكێ‌ سەندیكا هۆنەرمەندێن كوردستانێ‌ بۆ هۆنەرمەندێن شنگال بێتە ڤەكرن،داكو مافێ‌ وان یێ‌ پاراستی بت لێ‌ هەتا نهۆ ئەو داخوازی نەهاتیە بجهئینان،رەوشا گەلەك هۆنەرمەندێن دەڤەرا مە یا پەریشانە و كارێ‌ كرێكاریێ‌ دكن ژبەركو رەوشا وان یا دارایی نەیا باشە،هەروەسا ڤەكرنا لقەكەكێ‌ سەندیكایێ‌ ژبۆ هۆنەرمەندێن شنگال تا رادەیەكی دێ‌ پرسگرێكێن هۆنەرمەندان چارەسەر كت،لێ‌ هندێ‌ سەندیكا بۆ وان نەئێتە ڤەكرن دێ‌ حالێ‌ وان یێ‌ وەسا بت،سەرباری هندێ‌ هەتا نهۆ هۆنەرمەندێن دەڤەرێ‌ دبەردەوامن لسەر گۆتنا سترانێن غەریبی و مالوێرانیێ‌ لسەر شنگالێ‌.
ژلایەكێ‌ دی ڤە هۆنەرمەند (جەلۆ شنگالی)بۆ رۆژناما دەنگێ‌ لالش گۆت:ژبەر نەبوونا موچەیەكێ‌ هەیڤانە ئەو نەچارن بۆ خێزانا خۆ كارێ‌ رۆژانە بكن داكو ژیانا خۆ و زارۆكێن خۆ دەرباز بكن،هۆنەرمەندێن شنگال هاتینە پشتگوه هاڤێتن و تشتەك ژبۆ وان نائێتە كرن،لەوما داخوازێ‌ ژ حكومەتا هەرێما كوردستانێ‌ دكەین كو هاریكاریا هۆنەرمەندێن شنگال بكن داكو بكارن بەردەوامیێ‌ بدەنە كارێ‌ خۆ یێ‌ هۆنەری و هۆنەرمەند ب رێیا ستران گۆتنێ‌ دكارت دەنگێ‌ خەلكێ‌ خۆ بگەهینت و دەڤەرا خۆ بدەتە ناسكرن ژ خۆ شنگال دەڤەرەكا ناسكریە ب هۆنەرێ‌ خۆ و سترانێن فلكلۆرێ‌ شنگال ل هەر چار پارچێن كوردستانێ‌ دەنگ ڤەداینە،سەرەرای ڤێ‌ یەكێ‌ هەموویێ‌ سترانڤانێن شنگال لسەر گۆتنا سترانێ‌ دبەردەوامن و دێ‌ هەر بەردەوام ژی بن ژبەركو هۆنەرێ‌ شنگال هۆنەرەكێ‌ ب ناڤ و دەنگە.
دەربارەی ڤەكرنا لقەكەكێ‌ سەندیكا هۆنەرمەندان بۆ سترانڤانێن چیایێ‌ شنگالێ‌(ئیدریس زۆزانی)بەرپرسێ‌ رەوشەنبیری و راگەهاندنا لقێ‌(17)یێ‌ پارتی دیموكراتی كوردستان بۆ رۆژناما دەنگێ‌ لالش دیاركر،ئەم ئاگەهداری گلە و گازندێن هۆنەرمەندێن شنگالێ‌ نە و دەنگێ‌ وان ژی دگەل دەنگێ‌ وان هۆنەرمەندان یە،بەریا سالەكێ‌ بزاڤا ڤەكرنا سەندیكایەكێ‌ ژبۆ هۆنەرمەندێن شنگال هاتبوو كرن داكو مافێ‌ وان یێ‌ پاراستی بت لێ‌ هەتا نهۆ ڤەنەبوویە،ئەم نهۆ ژی بزاڤان دكەین سەندیكایەكا سەربەخۆ ژبۆ هۆنەرمەندێن شنگال ڤەكن داكو ب رێیا ڤێ‌ سەندیكایێ‌ گلە و گازندێن خۆ بگەهینن و مافێ‌ وانە خودان سەندیكا بن ،ژبەركو هەموو ئاریشێن وان دێ‌ ئێنە چارەسەركرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi