نڤیسەرەك:خووندن گرنگترین دانێ خوارنێ یە
تۆرا لالش یا راگەهاندنێ
نڤیسەرێ گەنج و خەلكێ دەڤەرا بادینان(برهان ئەیوب)د دیدارەكێ دا بۆ رۆژناما دەنگێ لالش راگەهاند،خووندن گرنگترین دانێ خوارنێ یە،دبینم خەلكێ مە یێ بەرەف خووندنێ دچن، و ئێدی رازی نابن د برسێ دا بژین و دەڤەرا بادینان ب گشتی و دهۆك ب تایبەتی رێژا خوندەڤانا لێ بەرەف زێدە بوونێ دچت.
ئەیوب گۆت:ئەڤە نێزیكی پێنج سالانە كارێ نڤیسینێ دكەم ل دەستپێكا كارێ خۆ یێ ئەدەبی هۆزان و كورتە پەیڤ و تێكستێن كورت دنڤیسین و ئێكەمین بەرهەمێ ئەدەبی نڤیسی رۆمانەك بوو بناڤێ (ئورشەلیم و ستایش د ڤەقەتیانێ دا) و ئارمانج ژ نڤیسینا وێ رۆمانێ ئەوبوو پەیامەكێ ب رێیا وێ بگەهینمە خەلكێ و هەتا نهۆ ئێك پەرتۆك نڤیسیە،
دبەردەاومیا ئاخفتنا خۆ دا دیاركر،خووندن گرنگترین دانێ خوارنێ یە،دبینم كو خەلكێ مە یێ بەرەف خووندنێ دچن و ئێدی رازی نابن د برسێ دا بژین و دەڤەرا بادینان ب گشتی و دهۆك ب تایبەتی رێژا خوندەڤانا لێ بەرەف زێدەبوونێ دچت،ئەڤ ژی تشتەكی گەلەك یێ باشە و قۆناغەكە بەرەف پاشەرۆژەكا گەش و تژی زانین و زانیاری.
نڤیسەری خویاكر ژی ئارمانج ژ نڤیسینێ من دڤێت ئاسمانێ پەرتۆكێن كوردی ب پەرتۆكێن خۆ و هندەك پەیڤێن نوو و بالكێش د ئەدەبیاتا كوردی دا ب گشتی و ب تایبەت دەڤەرا بادینان زێدە بكم،داخوازێ ژ جیێن پەیوەندیدار دكەم رێز ل ماندیبوونا نڤیسەران بێتە گرتن.
تُتاح هذه الصورة أيضا في: کوردی