كلیپا سێزدێ بەلاڤكر
تۆرا لالش یا راگەهاندنێ
هۆنەرمەندێ گەنج(رێبەر شاكر سلێمان) یێ ناسیار ب رێبەر باعەدری مژوولی چێكرنا كلیپەكا نوویە ل وەلاتێ توركیا،كو ب كلیپا وی یا(13)ێ دئێتە هژمارتن و دێ ئێتە بەلاڤكرن.
لدۆر چێكرنا ڤێ كلیپێ(رێبەر باعەدری)بۆ رۆژناما دەنگێ لالش راگەهاند،ژ زارۆكینیا خۆ دا حەزا كارێ هۆنەری هەبوویە و ل سالا(2009)ێ دەست بكارێ ستران گۆتنێ كر و ستران تۆماركرن،هەتا نهۆ(14) ستران هەنە و هەر سترانەكا تۆماربكەم دكەمە كلیپ و بەلاڤ دكەم،لێ نهۆ مژوولی چێكرنا بەرهەمەكی مە پێكدئێت ژ هەشت سترانان و هەموو ژی ئەڤینی نە و لدۆر حەژێكرنا ڤی سەردەمی نە،ئەڤە ماوێ هەفتیەكێ یە مژوولی چێكرنا كلیپەكا نوو مە ل وەلاتێ توركیا و ب كلیپا من یا(13)ێ دئێتە هژمارتن،ئەڤ كلیپ ژ بەرهەمێ من یێ نوویە و لدۆر ئەڤینیێ یە و ژ قۆناغا وێنەكرنێ ب داوی هاتیە و سترانا ڤێ كلیپێ ژ پەیڤ و ئاوازێن موسافر سەباح و دەرهێنانا هەژار مەجیدە.
هەروەسا گۆت:ل دەمەكی نێزیك دا ئەڤ كلیپە ژی دێ بتە دیاری بۆ كەنالێن مە یێن كوردی و هیڤیا من پێشئێخستنا هۆنەرێ كوردیە.
تُتاح هذه الصورة أيضا في: کوردی