ل ئەلمانیا سێ گەنجێن ئێزدی دێ ئێش و ئازارێن ئێزدیا نیشا جیهانێ دەن
تۆرا لالش یا راگەهاندنێ/سالار فائز
ل رێككەفتی(21/1/2018)ل ل باژێرێ بەرلین پایتەختێ وەلاتێ ئەلمانیا،سێ گەنجێن ئێزدی دێ پێشانگەهەكا هەڤبەش ڤەكن و ئێش و ئازارێن ئێزدیا دێ نیشا جیهانێ دەن،ب ئارمانجا پەسەندكرنا جینۆسایدا ئێزدیا و داعش بێتە دادگەهكرن و بگەهتە سزایێ خۆ ل هەمبەر تاوانێن ئەنجام داین.
هەلبەستڤان و وێنەگرێ ئێزدی(سفیان دلكانی)دیاركر،ئەڤ پێشانگەهە دێ رۆلەكی باش لەیزت ل ئەرشیف یان دكیۆمێنتكرنا وان ئێش و ئازارێن ئێزدیا و تاوانێن داعشێ،دێ مفایەكی باش ژێ وەرگرین بۆ پەسەندكرنا جینۆسایدا ئێزدیا ژبەر فەرمانێت بەری نهۆ خەلكێ روودانێن فەرمانێن مە وەكا دلێ خۆ دنڤیسی یان وەكی نهۆ مە بەلگە نەبوون،ئەڤ پێشانگەهە ل وەلاتێن ئەورۆپی دێ گەلەك كارتێكرنا خۆ هەبن ژبەر خەلكێ وێ ب ئاسانی دكارت دەنگێ خۆ بگەهینت پەرلەمانێ خۆ،سەبارەت فۆتۆێن خۆ ئەز نافرۆشم ژبەر گرێدایی دۆزا گەلێ منن بتنێ دێ كەمە دیاری و هەر بەرامبەرەك هەبت یان دەستكەفتەكا دارایی ئەم دێ تەرخان كەین بۆ پێشڤەبرنا كارێن خۆ یان بۆ هەژار و ئاوارەیێن مە.
هەروەسا شێوەكارا كچا ئێزدی(نارین ئێزدی)خویاكر،پتریا تابلۆێن من سەر ئێزدیانە ب گشتی وەكی مێژوویا وان و جلكا و كەلتۆر و فلكلۆری ئێزدی هەروەسا داب و نەرێتێن جڤاكێ ئێزدی،بەلێ پشتی فەرمانا(3/8/2014)پترایا وێنێن خۆ كرنە سەر ئێزدیا و ئافرەت و جانگۆریێن ئێزدی و گەلەك ژ تابلۆیێن من بەلاڤ بووینە و نادیا موراد ژی ئێكی من ل رووپەلێ خۆ بەلاڤكر،ئارمانجا من گەلێ ئێزدی بگەهتە مافێ خۆ ل سەرانسەری جیهانێ و ل عێراقێ و سووریا و توركیا كو دادپەروەری هەبت و داعش بێتە دادگەهكرن و بگەهتە سزایێ خۆ.
شێوەكار(قاسم شەرقی)گۆت:هۆنەر كارەكی پیرۆزە تایبەت بۆ خزمەتا گەلێ خۆ،بۆ ڤێ پێشانگەها مە رێكخراوا ئێزدیا یا جیهانی و ژمارەكا رۆژنامەڤانێن ئەلممانی ل بەرلینێ و هەروەسا دێرێ ژی ئانكو كەنیسا كرستیانا،ژبەر بەری نهۆ تابلۆیەكا من ل پێشانگەهەكا ئەلمانی هاتبوو دراندن لەورا بۆ پاراستنا مافێ مە و ئێمناهیێ ل ڤێ پێشانگەهێ فۆتۆ و تابلۆین نە ئۆجینال دێ ئێنە پەخشكرن و پتریا وان ژی سەر شنگالێ و زارۆك و ئافرەتێن ئێزدینە یێن ل شنگالێ،تەكەزكر جوو جوداهی بەلكی نەبت دناڤبەرا ڤێ فەرمانێ و یێن دی بەلێ فەرمانێن دی بەلگێن مە بتنێ ستران بوون پتر یان وەك چیرۆك بەلێ ل ڤێ فەرمانێ بەلگە و دكیۆمینتێن مە گەلەكن ژ وانا تابلۆ و فۆتۆ…هتد،هەروەسا ل رۆژ ڤەكرنا پێشانگەهێ دێ خوارنێن ئێزدیا ئێنە پێشكێشكرن بۆ خەلكێ ئامادەبوویی ژ وان كوتلك و ئابراخ و كولیچە بدەستێ ئافرەتێن ئێزدی،دا خوارنێن مە ژی نیشا خەلكێ ئەلمان بدەین.
تُتاح هذه الصورة أيضا في: کوردی