ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هۆنەرێ‌ شنگالێ‌ نامینت

هۆنەرێ‌ شنگالێ‌ نامینت
تۆرا لالش یا راگەهاندنێ‌
هۆنەرمەندەكێ‌ شنگالێ‌ ئاشكەراكر كو هۆنەرێ‌ شنگالێ‌ ب ناڤ و دەنگترین هۆنەر بوو ل سەرانسەری كوردستانێ‌،لێ‌ ژبەر نەبوونا سەنتەر و لقەكێ‌ سەندیكایا هۆنەرمەندان و پشتەڤانیێ‌ ئەو یێ‌ بەر ب كنارێ‌ مرنێ‌ یێ‌ دچت و ئەگەر وەسا چوو نامینت ژی.

هۆنەرمەند(حسێن شاقولی) دكورتە دیدارەكێ‌ دا بۆ رۆژناما دەنگێ‌ لالش دیاركر،ل سالا ٢٠٠٧ێ‌ وی دەست ب كارێ‌ هۆنەری كریە و هەر ژ دەست پێكێ‌ گرنگی دایە سترانێن فلكلۆری و ب رێیا وان سترانا ل سالا ٢٠٠٩ خۆ هاڤێتیە گۆرەپانا هۆنەرێ‌ داوەتا وەك هۆنەرمەندێن گەنج و خەمخواری سترانێن برویی شەرقی و دوركی عیدویی كتی بوویە،گۆتژی پشتی فەرمانا شنگالێ‌ ل ئابا سالا ٢٠١٤ێ‌ من كۆچكرە دەرڤەی وەلاتی و نۆكە ل وەلاتێ‌ ئەلمانیا ئاكنجی مە و ل وێدەرێ‌ مژوولی بەرهەمەكی بووم لێ‌ ژبەر نەبوونا هاریكاری و پشتەڤانیا مادی وی كارێ‌ خۆ سەكناند،دووپاتكرژی هۆنەرێ‌ شنگالێ‌ ب ناڤ و دەنگترین هۆنەر بوو ل سەرانسەری كوردستانێ‌ ژبەر نەبوونا سەنتەر و لقەكێ‌ سەندیكایا هۆنەرمەندان و پشتەڤانیەكا ژ دل هێدی هێدی بەر ب كنارێ‌ مرنێ‌ یێ‌ دچت و ئەگەر وەسا چوو نامینت ژی،لەورا داخوازێ‌ ژ جهێن پەیوندیدار دكەم ببنە پالپشت بۆ هۆنەرێ‌ دەڤەرێن ئێزدیا و ب تایبەت شنگالێ‌.

شاقولی رۆنكرژی ئەو هاریكاری و سپونسەریێن بۆ هۆنەرمەندێن ژ دەرڤەی دەڤەرا شنگالێ‌ دئێتە كرن هەتا سترانا شنگالێ‌ نووژەن بكن بلا وێ‌ هاریكاریێ‌ بۆ هۆنەرمەندەكی قەزایێ‌ بكن،ژبۆ ئەم بكارن پتر هۆنەرێ‌ خۆ پێشبێخن،ئاشكەراكرژی ل دەڤەرا مە ل جهەكی بووین هەتا ستودیۆ و ئامیرێن موزیكێ‌ نەبوون ئەم بكارن گهۆرین و پێشكەفتنێ‌ پاڤێژن هۆنەرێ‌ خۆدا،بەلێ‌ نۆكە ل ئەلمانیا دەرفەت هەیە و ستودیۆ و هەر تشتەكێ‌ پرۆفیشنالە لێ‌ بتنێ‌ پشتەڤانی دڤێتن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi