ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مژوولی چێكرنا كلیپەكێ‌ یە

مژوولی چێكرنا كلیپەكێ‌ یە
تۆرا لالش یا راگەهاندنێ‌15046383_672459706248115_381686183_n
هۆزانڤان”داود سلێمان خالتی” بۆ ماوێ‌ نەه سالایە هۆزانێ‌ دنڤیست،نۆكە مژوولی چێكرنا كلیپەكێ‌ بناڤێ‌(غەریبۆ)یە،ناڤەرۆكا وێ‌ ل سەر كەسێن دچنە دەرڤەی وەلاتی یە.

خالتی بۆ رۆژناما دەنگێ‌ لالش گۆت:”ئێكەمین هۆزانا من نڤیسی ل سەر كارەساتا(سیبا شێخ خدر و تلعزێر)بوو،هەتا نۆكە نێزیكی 60هۆزانان من نڤیسینە،هەروەسا هۆزانێ‌ خۆ لسەر شێوازێ‌ قوناغا ئازاد دنڤیسم و لسەر زۆربەیا بێاڤان ئەوژی وەلات و ئەڤینی و غەریبی و ئاوارەیی و دگەل وێ‌ دەردەسەرییا ب سەر كوردستانێ‌ و شنگالێ‌ دا هاتی،دیسان نۆكە كار ل سەر چێكرنا كلیپەكێ‌ بناڤێ‌(غەریبۆ)دكەم و ناڤەرۆكا وێ‌ ل سەر كەسێن دچنە دەرڤەی وەلاتی یە”.

هۆزانڤانی تەكەست كر:”باشترە هۆزانڤان ژبلی زمانێ‌ خۆ زمانەكێ‌ دی ژی بزانت،داكو باشتر نامەیا مللەتێ‌ خۆ و دگەل وان مەرگەساتێن ب سەرێ‌ خەلكێ‌ مەهاتی ب رێیا هۆزانێ‌ بگەهینتە جیهانێ‌،ژ پێخەمەت مللەتێن جیهانێ‌ هەست ب ئێش و ئازارێن مللەتێ‌ مە بكن”.

“داود سلێمان خالتی”ل سالا1995ێ‌ ل كۆمەلگەها دوگرێ‌ ل قەزا شنگال ژ دایك بوویە،پشتی كارەساتا شنگالێ‌ دگەل مالباتا خۆ ئاوارەیی كۆمەلگەها شاریا بوو.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi