ئێكەمین راپەرێ ئێزدی بوو راپا كوردی گۆتی
تۆرا لالش یا راگەهاندنێ/سالار فائز
راپەرێ گەنج”سەرهاد خەلیل” دئیتە ناسین ب (Sds) خەلكێ ناوچەدارییا باعەدرێ یە دبێژت:”ئەڤە بوو نێزیكی پێنچ سالە ئەز دژیم ل جیهانا راپێ،ژبلی هندێ كو دەمەكێ درێژ پێشمەرگە بووم و بەشداری چەند شەرا من كریە ب دژی داعشێ ل شنگالێ”.
راپەری گۆتژی پالدەرێ من یێ سەرەكی بۆ راپێ من ڤیا ڤی رەنگێ هۆنەرێ جیهانی بینم ناڤ جڤاكێ خوە و بتر ئێش و ئازارێن مە پێ نیشانبدەم،دیسان راپ پەیامەكێ دگەهینت سڤكتر و بتر ژ سترانێ و هەلبەستێ،پشتەڤانێ من ژی هەر برایێ من بوو هۆنەرمەند (ئبراهیم شنگالی).
ئەو چەندە ژی ئاشكەراكر:” ئەز خودانێ پازدە راپامە و سێ راپێ ژێ ل سەر شنگالێ نە و ئەڤ راپێن من ل كەنال و مالپەرێن ئینتەرنێتی دئێنە پەخشكرن،دیسان ئەز ئێكەمین راپەرێ ئێزدی بووم كو من راپ گۆتی ب كوردی و بەردەوامم هەتا نۆكە، بەلێ هاریكاریا راپەرا گەلەك كێمە وەك هاریكاریا ماددی یان سپۆنسەرا.
تُتاح هذه الصورة أيضا في: کوردی