ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هۆنەرمەندێن ئێزدی كارەساتا شنگالێ‌ ل ئاستێ‌ پێتڤی نەگەهاندینە جیهانێ‌

هۆنەرمەندێن ئێزدی كارەساتا شنگالێ‌ ل ئاستێ‌ پێتڤی نەگەهاندینە جیهانێ‌13466534_832403160225385_280556594837770088_n

دەنگێ‌ لالش،بەختیار قادر
پشتی كارەساتا ب سەرێ‌ خەلكێ‌ شنگالێ‌ دا هاتی،هونەرمەندێن ئێزدیان دبیاڤێن جودا جودا چەندین كارێن هونەری ئەنجام دان و دەربرین ژ كارەساتێ‌ كرن و ئێش وئازارێن ئێزدیان نیشاندان،سەرەرای هندێ‌ ئەڤ كارێن هونەرمەندان كرین نە ل ئاستێ‌ پێتڤی بووینە،لەواژی داخواز دئێتە كرن پتر هەول بێنە كرن كو ئەڤ كارەسات بگەهتە هەموو جیهانێ‌ و هەموو خەلك بزانن چ ب سەرێ‌ ئێزدیان هاتیە،زێدەبارێ‌ وێ‌ چەندێ‌ تیپێن هونەری كار ژبۆ ساخكرنا كارەساتێ‌ و دیاركرنا تاوانێن تیرۆرستێن داعشێ‌ بكن.

هۆزانڤان سفیان دلكانی دیاركر:”پشتی ئەڤ كارەساتا ب سەرێ‌ ئێزدیان دا هاتی،هۆزانڤانێن ئێزدی رۆلەكی كاریگەر هەبوو،كو ب رێیا هۆزانێن خۆ دەربرین ژ كارەساتێ‌ كرن و ئازارێن مللەتێ‌ خۆ گەهاندنە ئالیێن شۆلەژێ‌،ئەگەر ئازادیا گۆتنا پەیڤا هەبا ب دیتنا من وێ‌ باشتر ببا و پتر كاریبان راستیا برینا ئێزدیان بەلاڤ بكن،لەوا دڤێت پەیڤێن وان بمینن دكیۆمێنت و بەلگە ژبۆ دیرۆكێ‌،گۆتژی گەلەك هۆزانڤانێن ئێزدی كۆچكرینە دەرڤەی وەلاتی و دكارن پتر ب ئازادیانە دەربرینێ‌ ژ هەستێ‌ خۆ بكن و دەردەسەریا ل ئێزدیان بووی بگەهینن جیهانێ‌،هەڤدەم ژی دڤێت هۆزانێن وان بۆ زمانێن بیانی بێنە گهۆرین،ژبۆ پتر ناساندنا كارەساتا شنگالێ‌”.

شانۆڤان سالم حسێن دبێژت:”ل سەر هەر هۆنەرمەندەكی ئێزدی ئەركەكی ئاینی و نەتەوەیی و هونەری یە دبیاڤێ‌ خۆدا كارەكی ل سەر كارەسا شنگالێ‌ ئەنجام بدەت ،كو ئێش و ئازارێن ئێزدیان وەك نامەیەكێ‌ بگەهینتە جیهانێ‌،داكو هەموو خەلك بزانن چ ب سەرێ‌ ئێزدیان هاتیە،دیسان شانۆڤان دكارت ب رێیا نمایشكرنا شانۆیان دەربرینێ‌ ژ كارەساتێ‌ بكەتن،چنكو رۆلێ‌ خۆ هەیە”.

شێوەكار قاسم ئەلشەرقیگۆت:”پشتی كارەساتا شنگالێ‌ سەروسیمایێ‌ وێنێن شێوەكارێن ئێزدی ل دەرڤەی وەلاتی بۆ روویێ‌ ب ترس هاتە گهۆرین و رەنگێ‌ رەش گەلەك دناڤ فرچێن وان دە هاتە بكارئینان،گەلەك جۆرێن هونەری هەینە وەكی ستران وسەما وهۆزان ومۆزیكێ‌ هونەرمەندێن مە ب ڤان جۆرە هونەرا دەربرینێ‌ ژكارەساتا شنگالێ‌ دكن، بەلێ‌ هۆنەرێ‌ شێوەكاری ژهەموویا پتر وێنە وبۆیەرێن كارەساتێ‌ بۆ جیهانێ‌ دانە ناسین وبەرچاڤكرن بێ‌ كو ژ زمانێ‌ دایكێ‌ بێنە وەرگێران بۆ زمانێن بیانی،سەرەرای ڤێ‌ چەندێ‌ هۆنەرمەندێن ئێزدی ژدەرڤەی وەلاتی كێمن،لێ‌ كارێ‌ وان وتابلۆیێن وان یێن بالكێش گۆرەپانا هۆنەری پر دكن،بزاڤا هۆنەری ئەنجامەكی باش هەیە وتابلۆیێن وان پاشەرۆژەكە باش ل پێشیێ‌ هەیە،هەروەسا هەر هۆنەرمەندەكی ستایلێ‌ خۆ یێ‌ تایبەت هەیە،بەلێ‌ كارەساتا شنگالێ‌ هۆنەرمەندێن ئێزدی ل وەلاتی و ژدەرڤە پالدان كو ب ئێك ستایلی كاركەن و روودانێن كارەساتا شنگالێ‌ بكەنە هیڤیەكە گەش”.

هۆنەرمەند مستەفا دنانی خۆیاكر:”پێتڤیە ل ئەوروپا و ب تایبەت ل ئەلمانیا ستۆدیویەكا تۆماركرنا وێنەكرنێ‌ بۆ هۆنەرمەندان هەبت و ل ژێر چاڤدێریا هندەك كەسێن پسپۆر دا بتن،جهەكی وەسا بێتە ڤەكرن گرنگیا خۆ دێ‌ هەبتن،ژبەركو چەكا هۆنەرمەندا هەموویا سروود و هەلبەستن ب رێیا وان بیرو بۆچۆنێن خۆ دیار بكت،لێ‌ ژبۆ ڤێ‌ چەندێ‌ گەلەك ئالۆزی هەنە،تەكەزكر ژی هونەرمەندێن ئێزدی كارەسات ل ئاستێ‌ پێتڤی نەگەهاندینە و دڤێت ئەو ژی ب یەك دەست و دەنگ دەنگێ‌ خۆ بگەهینن جهێن شۆلەژێ‌ و جیهانێ‌”.

بەرپرسێ‌ تیپا ئازادی یا هۆنەری حسێن حاجی) دیاركر:”هۆنەر باشترین چەكە بۆ گەهاندنا ئێش ونالینا ئێزدیا چی ب رێیا هۆنەرێ‌ شانۆیێ‌ یان شێوەكاری یان ب گۆتنا سترانێ‌ بت،سەرەرای كاودانێن تێرا دەرباز بووین هۆنەرمەندێن مە یێن ئێزدی هەتا رادەكی كارینە چەندین دیمەنێن نەخۆش یێن كارەساتا شنگالێ‌ دیار وبەرچاڤ بكن،بەلێ‌ هەر یا كێمە ددەرهەقا ڤێ‌ كارەساتا مەزن دا،چنكو وەكی چپكەكێ‌ ژ دەریایی دیاركرینە،گۆتژی دڤێت تیپێن هۆنەری ب گشتی ڤێ‌ كارەساتێ‌ ساخ بكن و تاوانێن تیرۆرستێن داعشێ‌ ب هۆنەری دیار بكن،ژبەركو ئەڤا ئەو دكت دژی مرۆڤایەتیێ‌ یە”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi