ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بارگرانیا ڤەحواندنا ئاوارەیان ل شاریا كەفتیە سەرملێ‌ بنگەهێ‌ لالش

بارگرانیا ڤەحواندنا ئاوارەیان ل شاریا كەفتیە سەرملێ‌ بنگەهێ‌ لالش
دیدار:بەختیار قادر13210965_587365781424175_1272607828_o
بنگەهێ‌ لالش تایێ‌ شاریا هەر ژ رۆژا دەستپێكێ‌ یا كارەساتا شنگالێ‌ ب شێوەیەكێ‌ خۆبەخشانە خزمەتا ئاوارەیان كریە،بەرپرسێ‌ بنگەهێ‌ ناڤبری(دلگەش سەلیم)بۆ رۆژنامەیا دەنگێ‌ لالش راگەهاند،چار هەزار و 651خێزانێن ئاوارە ل كۆمەلگەهێ‌ ئاكنجینە،هەروەسا سەرەرای خزمەتكرنێ‌ هێش دەستخۆشیەك ل مە نەهاتیە كرن،دیسان بارگرانیا ڤەحواندنا ئاوارەیێن ل دەرڤەی كەمپێ‌ دژین كەفتیە سەرملێ‌ بنگەهی.ل دۆر خزمەتێن بنگەهی پێشكێشی ئاوارەیان ل كۆمەلگەهێ‌ كرین(دلگەش سەلیم) دیاركر، بنگەهێ‌ مە یێ‌ ئێزدیاتیێ‌ یە پتر هەول ددەت خزمەتا خەلكی خۆ بكەتن،راستە یێ‌ رەوشەنبیری یە لێ‌ بنگەهێ‌ مە بگرە ژ بارێ‌ مادێ‌ و مەعنەوی و كەرەستەیێن خوارنێ‌ و دەست شۆیان و هەماهەنگی ل گەل رێكخراوان كریە و گەلەك خزمەت بۆ خەلكێ‌ ئاوارە یێ‌ بنەجه ل شاریا كریە،هەر ژ رۆژا 3/8/2014یا كارەساتێ‌ و هەتا ئیرۆكە بنگەه یێ‌ خۆبەخشە و هەتا نۆكە دەست خۆشیەك ژی چ لایێ‌ جهەتەكی حكوومی یان حزبی یان هەر جهەتەكی دی بت لێ‌ نەهاتیە كرن،فەربوو حكوومەت دەست خۆشیی لێ‌ بكت.

سەبارەت ژمارا ئاوارەیان ل شاریا ناڤبری ئاشكەراكر،ل پێ‌ ئامارەكا بنگەهی 4هەزار و 651خێزان یێن ل كۆمەلگەهێ‌ ئاكنجینە و ئەڤ ئامارە ژی نەیا جێگرە،چنكو رۆژانە دچن و ئوو دئێن و نۆكە خەلكی مە پتر ب خووندنێ‌ ڤە ئی مژوولە زارۆكێن وان ل قوتابخانان و زانكۆیا نە،هەروەسا خەلكێ‌ مە رۆژ بۆ رۆژێ‌ ژ دهۆك و زاخۆ و هندەك دەڤەرێن دوورتر پتر سەرەدانا شاریا دكت،ژبەركو خەلكێ‌ وان پتر داب ونەریتێن وان یێن جڤاكی نێزیكی ئێكن و دئێك و دوو دگەهن و كاڤل هەموو ئد تژی نە و لێ‌ دمینن و بۆ خۆ خیڤەتا ئد دانێن،دبینم پشتی وەرزێ‌ خووندنێ‌ ب داوی تێت ژمارەیەكا مەزن ژ ڤان ئاوارەیان یێن دەڤەرێن وان ل شنگالێ‌ هاتینە رزگاركرن بزڤرنە سەر مال و حالێ‌ خۆ.

ل دۆر ڤەحواندنا ئاوارەیان و دروستكرنا ئاماران ژئالیێ‌ بنگەهێ‌ ڤە گۆت:بارگرانیا ئاوارەیان كەفتیە سەرملێ‌ بنگەهی،چنكو ل كۆمەلگەهێ‌ تنێ‌ بنگەه هەیە بەرێ‌ خۆ بدەتە ڤان ئاوارەیێن ل دەرڤەی كەمپا شاریا دژین،سەبارەت ناوچەیا فەیدیێ‌ ئامارەك كۆمكریە لێ‌ ئەو ئامارە ب دیتنا من تنێ‌ بۆ ئەرزاقی یا باشە و بكێر رێكخراوان نائێت،چنكو رێكخراو هەینە تەخا پەككەفتی و ئێتیما و ئێشێن مزمن و ئاریشێن درەوونی داخواز دكن دڤێت ئەڤ ئامار هەبن و ئەگەر ئەڤ ئامار نەبن رێكخراو ژی نكارن هەر هەیڤ بێن كاڤلەك و چادرەك ل دەرەكێ‌ و ل گوندەكی بت نكارت ڤی كاری رێڤەبەتن،ئەگەر ئامارەكا هۆسا ل بەردەست هەبت دێ‌ كاری پتر هەماهەنگیێ‌ ل گەل رێكخروان بكەی و نێرینا رێكخراوان بۆ ئاوارەیێن شاریا گەلەك یا كێمە و ل گۆر شیانێن خۆ كار دكن،چنكو ئامارەكا دروست نینە بۆ ڤێ‌ چەندێ‌ وەك بنگەه مە هەول دایە هندەك ئاماران كۆمبكەین بۆ نموونە مە ئامارا پەككەفتیان و دەروونی هەیە هەر چەندە دبت مە شك كێماسی دوان ئاماران دا هەبت و یا دشیانێن مە دابت مە كریە ،بەس چوو جهێن فەرمی ئەم هایدار نەكرینە كو ئامارەكێ‌ كۆم بكەین و ئەم بۆ كارێ‌ خۆ یێ‌ رۆژانە هەول ددەین هەماهەنگیێ‌ لگەل رێكخراوان بكن و مە ئامارا دەروونی و بێ‌ ژنا و ئێتیما كۆمكریە و یا یێن ژدەستێ‌ داعشێ‌ رزگار دبن.

دەربارەی پەیداكرنا دەلیڤێن كاری بۆ ئاوارەیان بەرپرسێ‌ بنگەهی دبێژت:گەلەك ژ ئاوارەیان سیڤیێن خۆ پێشكێشی بنگەهی كرینە بۆ دەلیڤێن كاری و سیڤیێن وان مە داینە رێكخراوان و رێژەكا باش هاتنە وەرگرتن و هێش خەلكێ‌ مە پێتڤی هاریكاریێ‌ یە و نە ل ئاستێ‌ پێتڤی دایە و گەنج پێتڤی دەلیڤێن كاری نە،فەرە پتر رێكخراو بەرێ‌ خۆ ب دەنێ‌ و خۆلێن ئنگلیزیێ‌ بۆ وان ڤەكن و قەرزێَن بچووك ب دەنە خەلكێ‌ مە كو خەلك پێ‌ مووژل بت و خەلكێ‌ نۆكە پتر ژ هەر وەختەكی دی پێتڤی هاریكایێن مادی و ئەرزاقی یە،ب دیتنا من ئەڤە باشترە بێنە كرن ژ هەر كارەكی دیتر بۆ وان بێتە كرن،چنكو خەلكێ‌ مە یێ‌ برسی یە و قەیرانا ئابووری كارتێكرنەكا گەلەك مەزن ل سەر كریە و گەلەك ژێ‌ یێ‌ دچنە دەرڤەی وەلاتی،ب دیتنا من قەرزێن بچووك وپشتەڤانیا وان بێتە كرن بۆ نمونە دكانەكی ڤەكت و رێكخراو بێن گەل ڤان جۆتیارا ل وەرزێ‌ بێت بۆ را بیستانا بچینن و هاریكاریا وان بكن و خەلكی مە یێ‌ ئاوارە دێ‌ ڤە كاری كەتن و دەڤەرا شاریا دەڤەرەكا چاندنێ‌ یە،بەس هەتا نۆكە چوو رێكخراوا خۆ ل ڤی بواری نەكریە خودان،ئەگەر قەرز هاتنە دان ژلایێ‌ رێكخراوا ڤە ژمارا ئاوارەیان هەر گەلەكە بس دی دێ‌ بار سڤكرنەكێ‌ ئێخنە سەر لایەنێ‌ ئابوریێ‌ خەلكێ‌،دبینم ژی رێكخراو نكارن ڤی كاری بكن چنكو ژمارا ئاوارەیان گەلەكە ل شاریا،دیسان ئەگەر حكوومەت و رێكخراو گوهێ‌ خۆ بدەتە ڤان ئاوارا دی بتە ئەگەرێ‌ باشبوونا بارێ‌ وان یێ‌ ئابووری وكۆچبەربوونا وان ژ وەلاتی دی كێمتر لێ‌ ئێتن ،دگەل هندێ‌ گەنجێ‌ مە بێزاربوویە ژڤی رەوشا نۆكە و كارتێكرن ل سەر دەرونێ‌ وان كریە چ قەیرانا ئابووری یا شەری داعشی بت یان ناكۆكیێن سیاسی دناڤبەرا هەرێمێ‌ و بەغدا دا.

ل داویێ‌ ژی دەربارەی رەوشا نۆكەیا ئاوارەیێن كۆمەلگەهێ‌(دلگەش سەلیم) خویاكر،ب گشتی ئاوارە یێن كەفتینە سەر هێلەكا باش و خۆ دگونجینن دگەل ڤی بارودۆخی،بەس ئەگەر ئەڤ قەیران یا بەردەوام بت ئاریشە دی بۆ كۆمەلگەهێ‌ و ئاوارەیان چێبن،چنكو بێ‌ دراڤی دبتە پەیدابوونا ئاریشێن چاڤەرێ‌ نەكری،ئەڤە وەرزێ‌ هاڤینێ‌ هات و گەرمە خەلك هەدارێ‌ ناكت و رەنگە كارەب و ئاڤ یا كێم بتن و ژلایێ‌ ساخلەمیێ‌ ڤە ئاریشە دێ‌ ل شاریا پەیدا بن ،چنكو مە ئێك بنگەهێ‌ ساخلەمیێ‌ هەیە و ئەو بنگەه هەدارا ڤێ‌ ژمارا زۆر ناكت،ڤێجا حەز دكن چ حكوومەت یان رێكخراو بن پتر بەرێ‌ خۆ ب دەنە شاریا،چنكو رێژەكا زێدە یا ئاوارا یا لێ‌ و هاریكاریا وان بكن و پێتڤیێن هاڤینێ‌ پێشكێشی وان بكن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi