“ئهگهر ئهڤ لينكێ مهسنجهرى بۆ ته هات نهڤهكه”
گاڤ نيوز
شارهزايێن ئێمناهيا تهكنولۆژى هوشداريان ددهنه بكارهينهرێن مهسنجهرێ فێسبووكى كو ئهگهر نامهيهك و لينكهك بۆ وان هات، بلا ڤهنهكهن.
رۆژنامهيا ئێكسپرێس ژ شارهزايان ڤهدگوهێزيت؛ ئهگهر نامهيهك بۆ مهسنجهرێ ههوه بهێت كو تێدا هاتبيته نڤسين ’Look what I found- ببينه ته چ ديتيه’ بلا وێ نامهيێ و وى لينكى ڤهنهكهن چونكى دێ رێكێ دهته هاككهران كو ئهكاونتێن وان يێن فهيسبووكى هاك بكهن.
شارهزا ديار ژى دكهن “ئهڤ كاره بهرى سالهكێ ههبوو، لێ جارهكا دى هاككهران دهستپێكريهڤه كو ب وێ رێكێ دێ گههنه داتايێن كهسى يێن بكارهينهران”.
ئاشكرا ژى كرن؛ ئهو كهسێن وى لينكى ڤهدكهن، دێ چنه دناڤ پهيجهكێ سهخته يێ فێبسبووكى دا كو دێ داتايێن كهسۆكى يێن بكارهينهرى دزيت ئهگهر ناڤێ خۆ و پاسووردێ خۆ داخل بكهت.
هاككهر ب ڤێ چهندێ دێ شێن داتايێن كهسۆكى بدزن زێدهبارى ئينستالكرنا پرۆگرامێن زيانبهخش ل سهر موبايل و ئاميرهيێن بكارهێنهرى.
شارهزا زێدهتر دبێژن؛ ههروهسا هاككهر دێ شێن گههنه ليستا مانشێتان و ڤرێكرنا نامهيێن زيانبهخش بۆ هندهك بكارهينهرێن دى.
زێده ژى دكهن: ئهگهر نامهيێن ژ ڤى جۆرى بۆ ته هاتن، نهڤهكه چونكى دێ ئهكاونتێ ته يێ فێسبووكى كهڤيته بهر هێرشان، ئهگهر ژى ته ڤهكربيت، داخوازيا هاريكاريێ ژ فێسبووكى ب رێكا داخوازكرنا گوهۆڕينا پاسووردێ خۆ بكه دا كو هاككهر نهگههنه ئهكاونتێ ته.
ئهڤه نه جاره ئێكێ يه هاككهر ڤێ رێكێ بكاردئينن، بهرى نها ژى نامهيهك ژ بۆ بكارهينهران دشاندن ل گهل تێكستێ ’Is this you in this video?’.
هاككهر ڤان تێكستێن سهرنجراكێش بكاردئينن چونكى ئهڤ جۆره نڤيسينه بهرێ بكارهێنهران ددهنه ڤهكرنا لينكى دا كو ناڤهرۆكا نامهيێ بخوينن.
تُتاح هذه الصورة أيضا في: کوردی