بەرپرسێ مەلبەندێ شنگالێ سەرەدانا بنگەهێ لالش ل ئەلمانیا دكت
تۆرا لالش یا راگەهاندنێ
جەمیل خدر عەڤدال،بەرپرسێ مەلبەندێ شنگال یێ ئێكەتیا نشتیمانیا كوردستانی دگەل خودێدا خدر ئەندامێ نڤیسینگەهاپەیوەندیێن گشتی یێ ئێكەتیێ،ل رێككەفتی 11/6/2016،سەرەدانا سەرۆكێ بنگههێ لالش یێ رەوشەنبیری و كۆمەلایەتی ل ئەلمانیا،ل باژێرێ بیلیفیلد كر.
دهەڤدیتنەكێ دا بەرپرسێ مەلبەندێ شنگال ل سەر رەوشا شنگالێ ب شێوەیەكێ تایبەت و رەوشا كوردستانێ ب گشتی ئاخڤی،تەكەز ل ئێكگرتنا پێكۆلێن ژبال پارتێن كوردستانی ل شنگال كر.
ب رۆلێ خۆ خەلات شێخ موراد،سەرۆكێ بنگەهێ لالش ل ئەلمانیا ئاماژە ب چالاكیێن بنگەهی ل سالێن بۆری و تایبەت پشتی كۆمكوژیا ب كۆم ل شنگال كر،كو بنگەه رابوو ب كۆمكرنا هاریكاریێن مرۆڤایەتی و دپەیوەندیكرنێ دابوو لگەل بالیۆزخانێن بیانی و رێكخراوێن جڤاكێ سڤیل و جهێن حكوومی و پەرلەمانی ل ئەلمانیا،بۆ هاریكاریكرنا ئێزدیان ل كوردستانێ.
سەرۆكێ بنگەهێ لالش دووپات ل سەر ئێكگرتنا هەموو پێكۆلان بۆ خزمەتكرنا شنگالێ كر.
ژلایەكێ دیڤە بەرپرسێ مەلبەندێ شنگال رۆلێ بنگەهی دهەموو بواران دا بلند نرخاند و هیڤیا سەركەفتنێ و بەردەوامیدانێ بۆ بنگەهی خواست،بۆ خزمەتكرنا جڤاكی ب گشتی و شنگالێ ب شێوەیەكێ تایبەت.
ژبال خۆڤە خەلات شێخ موراد ژپێش ئەندامێن بنگەهی ڤە،سوپاسیا بەرپرسێ مەلبەندێ شنگال و شاندێ دگەل دا كر بۆ ڤێ سەرەدانێ.
تُتاح هذه الصورة أيضا في: کوردی