میرێ ئێزدیان:هەگەربارودۆخێ كوردستانێ ئارامبوو و ئێزدی ب مافێ خۆ شاد بوون ئەم نەدگەل كۆچكرنێ نە
هەڤپەیڤین:حەكیم حكمت/هانوڤەر
میر تەحسین بەگ،میرێ ئێزدیان دیاركر:”هەگەر رەوشا وی یا ساخلەمی یا هاریكار با ئەوی دخوازت بێتە كوردستانێ و ژنێزیك هایداری رەوشا ئێزدیان بت،لێ دوپاتكركو نۆژدارێن وی ئەوهایدار كریە كو نابت نها دووری ئەلمانیا بی،چنكو رەوشا ساخلەمی نهۆ رۆژ بۆرۆژێ باشتر لێ دئێت”.
دەربارەی هەلویستێ میری همبەر رەوشا ئێزدیان و سەرۆك بارزانی میری گۆت:”سلاڤێن من بۆ جەنابێ سەرۆك بارزانی هەنە ودخوازم چاڤێن خۆ بدەتە ئێزدیان،چنكو گەلەك زۆرداری ل ئێزدیان هاتە كرن ،لەوا گەرەكە هەموو هێزێن سیاسی ب تایبەت پارتی و ئێكەتی چاڤێ خۆ بدەنە ئێزدیان”.
دەربارەی هەلویستێ خەلكێ كوردستانێ همبەر ئاوارەیێن ئێزدی جهێ سۆپاسیا میر تەحسین بەگ بوو و هەلویستێ خەلكێ كوردستانێ ب تایبەت پارێزگەها دهۆكێ بلندنرخاند،كو ئەوان وەك ئەركێ خۆ ب خزمەتا خەلكێ ئاوارە رابون.
میر تەحسین بەگ ژجڤاكا نێڤ دەولەتی ژی خوازت هاریكاریا ئێزدیان بكن و دڤێت هەموو هێزێن سیاسی پشتەڤانیا ئێزدیان بكن،چنكو ئێزدی پێتڤی ب هاریكاریێ نە ل كوردستانێ.
سەبارەت رەوشا ئیداری یا دەڤەراشنگالێ میرێ ئێزدیان دیاركر:”كو ئەو نەلگەل جودابونا شنگالێ نە ژكوردستانێ”.
سەبارەت رەوشا كچێن ئێزدی یێن ددەستێ داعش دا میری رۆلێ حكوومەتا كوردستانێ بەرچاڤكر،لێ ژكاك نێچێرڤان بارزانی خوازت پتر كاربكن،چنكو هێشتا ب هەزاران گرتیێن مە ماینە.
سەبارەت پاشەرۆژا ئێزدیان و گرێدانا وان ب ئاخا وان ڤە میری دیاركر:”ئێزدی هەڤپشكێن كوردستانێ نە ،ب تایبەت دەڤەرا شنگال و دەشتا نەینەوا،بۆ نمونە هەگەر ل ڤان دەڤەرێن مە گۆتی بكنە ئیدارێن سەربەخۆ هنگێ ئەو پێكهاتە هەموو دێ ب مافێ خۆ شاد بن”.
میر تەحسین بەگ چ هەلویستەك نەبوو همبەرحكوومەتا عَیراقێ پشتی مە ژێ پرسی كو هەلویستێ میری چیە همبەر حكوومەتا عێراقێ و جەنابێ وی ب پەیڤا (نزانم ) بەرسڤدا و گۆت:”من نەبهیستیە و ئەز ڤێ پرسێ نزانم”.
سەبارەت رۆلێ مامۆستایێن ئاینی ژی میر تەحسین بەگ ب هۆشیاری بەرسڤداودیاركر:”هندەك دباشن و هندەك ژی نەخێر و پێـتڤی یە مامۆستا پتر رۆلێ خۆ بگێرن بۆبراینی و پێكڤەژیانێ ل كوردستانێ”.
سەبارەت رەوشا نهۆ یا كوردستانێ میری دیاركر:”ئەم وەك ئێزدیپێتڤی هاریكاریێ نە ل كوردستانێ ئەو ژیئەوە مافێن ئێزدیان بدەنێ”.
دئالیەكی دی دا میر تەحسین بەگ دیاركر:”كو هەگەر ئەو نە ل كوردستانێ ژی بت كورێ وی حازم نوونەراتیا وی دكت و پشتی حازمی ژی نەڤیێ وی برین نوونەراتیا وی دكت و هەرمرۆڤەكی مە هەبت دخزمەتا مللەتێ خۆداینە”.
ل دۆر كۆچبەریا ئێزدیان میرێ ئێزدیان ئاماژە دا هندێ كو پتریا ئێزدیان ژبەر رەوشا نهۆ درەڤن،چنكو داعش رێكخراوەكە تیرۆرستی یە و ژئالیەكێ دیڤە هەگەر بارودۆخ ئارام بوو و مافێ ئێزدیان ل كوردستانێ هەبت باوەرناكەم ئەو بخۆ بێن،چنكو بۆ من بخۆ گەلەك ب زەحمەتە و كوردستان بۆ من خۆشترە.
ل داویێ ژی میرێ ئێزدیان دەست خۆشی ل پێشمەرگەی كر بۆسەركەفتنێن وان وژ خودێ خوازت ساخلەمیا وی باش بكت،بۆ هندێ هەر چ زوویە قەستا كوردستانێ بكت،چنكو وەكو دیاركری ئەوگەلەك غەریب بوویە ژ كوردستانێ.
تُتاح هذه الصورة أيضا في: کوردی
