پشتی رزگاركرنا سنوونێ ئاڤ و كارەب هەر وەكی خۆ ماینە
تۆرا لالش یا راگەهاندنێ
ئەندامەكێ جڤاتا ناوچەیا سنوونێ ئاشكەرا دكت،كو پشتی بۆرینا سالەك و نیڤان ل سەر رزگاركرنا سنوونێ و كۆمەلگەه و گوندێن ب سەرڤە،خزمەتكاری هەروەكی خۆنە و ب تایبەت ئاڤ و كارەب كو ژ خزمەتكاریێن هەری سەرەكی نە بۆ وەلاتیان،ژێدەرێن ئاڤێ ل پرۆژێن ناوچەیێ كاردكن لدووڤ دابینكرنا كارەبێ نە،هێشتا ئاڤا ب كێر ڤەخوارنێ دئێت ل پرانیا دەڤەرێن وێ نینە،ژبەر نەبوونا كارەبێ بۆ كاركرنا پرۆژێن ئاڤێ.
سلێمان فانۆ،ئەندامێ جڤاتا ناوچەیا سنوونێ بۆ(تۆرا لالش یا راگەهاندنێ)گۆت:”ل دەڤەرێ نۆكە كارەب یا هەی وكێمتر ژ شەش دەمژمێران بۆ 24دەمژمێران و یا لاوازە و چوو ئامیرێن كارەبێ ل سەر نائێنە كاركرن ب تنێ ب كێر گلۆپان ئانكو رۆناهیێ دئێتن،هەروەسا تانكەرێن بەلاڤكرنا ئاڤێ ل سەر وەلاتیان هەینە،كو ئێك تانكەر ب 10هەزار لێتەران بۆ پتری 200خێزانایە”.
فانۆ گۆتژی خەلكێ دەڤەرێ و ئاوارە یێن ل سنوونێ چاڤەرێ بجهئینانا سۆز و ئاخفتنێن هندەك بەرپرسانە ل ناوچەیێ،بانگەوازیێ ژ جهێن شۆلەژێ یێن حكومی و رێكخراوێن خێرخوازی و مرۆڤایەتی ،ب تایبەت نەتەوەیێن ئێكگرتی وەك ئەرك ل سەر وان پرۆژەكێ كارەبێ ژ ژێدەرێن سەرەكی ل ناوچەیا سنوونێ بجهبینن،داكو وەلاتی بكارن بەردەوامیێ بدەنە ژیانا خۆ و ب تایبەت ل ڤی وەرزێ هاڤینێ.
ئەندامێ جڤاتا ناوچەیا سنوونێ دبێژت ژی ب هەزاران خێزانان حەز هەیە ڤەگەرنە سەر مالێن خۆڤە ل ناوچەیێ،پشتی بۆ ماوەیێ نێزيكى دوو سالان ژ ئاوارەبوونێ.
تُتاح هذه الصورة أيضا في: کوردی