ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

نڤیسینگەها لالش هه‌موو رۆژێن چارشەمبوویا چالاكیەكێ‌ ل مەهەتێ‌ ئەنجام ددەت

2222222222222

نڤیسینگەها لالش هه‌موو رۆژێن چارشەمبوویا چالاكیەكێ‌ ل مەهەتێ‌ ئەنجام ددەت

تۆرا لالش یا راگەهاندنێ‌

نڤیسینگەها لالش ل سالا 2007ێ‌ ل كۆمەلگەها مەهەتێ‌ هاتیە ڤەكرن،ئەڤە ماوەیێ‌ پێنج سالایە بەرنامەیەك دارشتی ل هەموو رۆژێن چارشەمبوویان چالاكیەكێ‌ ئەنجام ددەت.

مەهدی حەسەن،بەرپرسێ‌ نڤیسینگەها لالش ل مەهەتێ‌ بۆ تۆرا لالش یا راگەهاندنێ‌ خویاكر: مە گڕنگیا خۆ هەیە ژبەركو (13) گوند ل مەهەتێ‌ هەنە و سنوورێ‌ ئەم لێ‌ كار دكەین سنورەكی بەرفرە یێ‌ هەیی،ژلایەكی دیڤە تایبەتمەندیا خۆ هەیە،چنكو ئەم سەرب ناوچەیا زیلكان ڤەینە وپتریا وان كوردێن بوسلمانن،ئەم ب ئەركەكی خۆ یێ‌ رەوشەنبیری و جڤاكی وئاینی دبینن پەیوەندی دگەل ڤان سەنتەر و كۆمەڵ و رێكخراوێن جڤاكێ‌ سڤیل ل ڤان كۆمەلگەه و گوند و ناوچە هەین مە هەبن، ژبەر ڤێ‌ چەندێ‌ مە وەك نڤیسینگەه بەرنامە وچالاكیێن بەردەوام هەبووینە ل ڤان دەڤەران،زێدەباری كارێ‌ مە یێ‌ رۆژانە یێ‌ نڤیسینگەهێ‌ رۆژانە چالاكی هاتینە ئەنجامدان ب هەلكەفتێن بیرەوەریێن نەتەوەیی و ئاینی،ژبۆ بلندكرنا ئاستێ‌ رەوشەنبیری و هەستێ‌ نەتەوەیی و وەلات پارێزیێ‌ و زانینا قەول وقەسیدێن ئێزدیاتیێ‌ ودگەل هندێ‌ وەك پەرەنسیپەكی بنگەهێ‌ لالش ئەم خۆ ل كارێ‌ كۆمەلایەتی و جڤاكی ژی دكەینە خودان و ئاریشەیێن جڤاكی ل كۆمەلگەها مە چێبووینە وەك ئەركەكی خۆ مە چارەسەر كرینە.

ناڤهاتی ئەو چەندە ژی دیاركر:ئەڤە ماوێ‌ (5) سالایە مە بەرنامەك دارشتی هەموو رۆژێن چارشەمبوویێ‌ چالاكیەكێ‌ دكەین یە جۆار و جۆر وەك بەرنامەكی بەردەوام لێ‌ هاتیە هەموو رۆژێن چارشەمبوویا،رەوشەنبیر و كەسایەتێن ئاینی و مامۆستا و قوتابیێن دەڤەرێ‌ ل نك مە خرڤەدبن بۆ بەشداریا ڤی بەرنامەی و خەلكێ‌ مە مفایەكی زۆر ژێ‌ دبینن،بەلێ‌ پشتی ئەڤ فەرمانا ل سەر ئێزدیا قەومی ب تایبەت ل شنگالێ‌ و كاودانێن خراب ل سەر مللەتێ‌ مە دا هاتی خەلكێ‌ شنگالێ‌ و باشیك و بەحزانێ‌ وبن كەندی دەربەدەربووین،ئەم مژوولی ڕاگەهاندنەكا گرێدایی هشیاركرنا خەلكێ‌ خۆ بین وبەرنامە ودیراسەت بێتە كرن چاوا ئاوارە بێنە ڤەحواندن و رێز ل وان بێتە گڕتن و وەك ئەركەكا ئێزدیاتیێ‌ هەموو مال و سەمیانێ‌ خۆ بۆ ڤان لێ‌ قەومیان بەرهەڤكەین وكەس مالێن خۆ ب كرێ‌ نەدەتە وان و ئەڤێن داین ریسوا و شەرمەزار بكەین.

مەهدی حەسەن گۆتژی دەمێ‌ ئاوارەیان قەستا كۆمەلگەهێ‌ كرین ل دەستپێكێ‌ مە چەند لژنە پێك ئینان بۆ هاوارچۆنا وان وكارێن ب لەز هاتنە كرن وهەر خانیەكی ڤالە مالەكا ئاوارە تێدا هاتنە ئاكنجیكرن و جلك ونڤین و نان و ئەرزاق مە بۆ وان دابینكرن ،پشتی جێگیربونا ئاواران ل كۆمەلگەهێ‌ مە وەك نڤیسینگەها لالش دگەل رێڤەبەریا ناوچەیا زیلكان و هەر سێ‌ رێكخراوێن كۆمەلگەها مەهەتێ‌ یێن پارتی دیموكراتی كوردستان و شارەوانیا مەهەتێ‌ لژنەك پێك ئینا بۆ چاڤدێری وهاریكاریا ئاواران ل دەڤەرا مە و ئەڤە ماوێ‌ سالەكا ئەڤ لژنە كارێ‌ خۆ دكن ب سەركەفتیانە ل بارەگایێ‌ شارەوانیا مەهەتێ‌،هەر دیسان پەیوەندیێن مە دگەل دام و دەزگەهێن ئیداری وحزبی و رێكخراوێن جڤاكێ‌ سڤیل گەلەك باشن،كو هەر رێكخراوەكا بێت ئەم دگەل ناوچەیا زێلكان رەوانەیی لژنێ‌ دكەین بۆ دابەشكرنا ئەو كەل وپەلێن دئێن ل دووڤ ناڤێن توماركری بێنە بەلاڤكرن.

دبەردەوامیا ئاخفتنا خۆ دا گۆت:”هەر جەژنەكا هەبت خەلكێ‌ خۆ هاندەین هاریكاریێ‌ بۆ ئاوارەیێن هەژار و بەلنگاز و نەساخ بكن،دیسا ل هەموو جەژنا كور و كچێن مە ژ دەرڤەی وەلاتی خێراتا خرڤەدكن و دهنێرنە وەلاتی بۆ ئاوارەیێن ل كۆمەلگەهێ‌”.

دا زانین هەماهنگی دگەل رێكخراوێن بیانی چەند خۆل بۆ زارۆكێن ئاوارە یێن حالەتێن دەروونی هەین هاتینە ڤەكرن، زێدەباری ڤەكرنا چەندین قارەمانیێن وەرزشی یێن تۆپكانێ‌ و تەپا دەستی ودابەشكرنا جلكێن وەرزشی بۆ گەنجێن ئاوارە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi