ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ب رێیا بنگەهێ‌ لالش چەندین رێكخراو ب هانەیا ئاوارەیێن خانكێ‌ هاتینە

ب رێیا بنگەهێ‌ لالش چەندین رێكخراو ب هانەیا ئاوارەیێن خانكێ‌ هاتینە
ریپۆرتاج:ئیڤان حەجی 12483859_535162319977855_1515845082_n
بنگەهێ‌ لالش تایێ‌ خانكێ‌ ب ئێك ژ دەزگەهێن نێزیكی ئاوارەیان دئێتە هژمارتن،هەر ژ دەستپێكا كارەساتا شنگالێ‌ و ل دەمێ‌ ئاوارەبوونا خەلكێ‌ شنگالێ‌ ب تایبەتی بۆ كۆمەلگەها خانكێ‌ خۆ ل ئاوارەیان كرە خودان هەتا كو حكوومەتا هەرێما كوردستانێ‌ كەمپە بۆ وان ئاوارەیان چێكرین و چەندین رێكخراو ژی ب رێیا بنگەهی ب هانەیا ئاوارەیان هاتینە،نۆكە ژی خزمەتا ئاوارەیێن ل دەرڤەی كەمپا خانكێ‌ دژین دكت و گازندە و ئاریشەیێن وان دگەهینتە ئالیێن شۆلەژێ‌،ئاوارە ژی رۆلێ‌ بنگەهی ب گرنگ ل قەلەم ددەن و داخواز دكن ل ڤی وەرزێ‌ زڤستانێ‌ پتر ئاگەهداری رەوشا وان ببتن.

(شەهاب قاسم) ئاوارەیەكی شنگالێیە و ل كۆمەلگەها خانكێ‌ ئاكنجییە دبێژت:هەر ژ رۆژا ئەم ئاوارەبووین و ل دەمێ‌ ل كۆمەلگەهێ‌ بنەجه بووین،بنگەهێ‌ لالش تایێ‌ خانكێ‌ خۆ ل كێشا ئاوارەیان كرە خودان و خۆ گەهاندە جهێ‌ بەرپرس و رێكخراوێن خێرخوازی داكو خزمەتا ئاوارەیان پتربكن و ژلایێن مادی و مەعنەوی هاریكاریا مە كر و رێكخراوێن نیڤ دەولەتی ژی ئاگەهداركرن بۆ ناڤ ئاواران داكو رەوشا وان بزانن و پێتڤیێن وان دابین بكن، هەروەسا ل دەستپێكا كارەساتێ‌ پێشوازیەكا گەلەك باش ل مەكرن بۆ دابینكرنا جلكا و لڤین و كەل و پەلێن خوارنێ‌ و پێتڤیێن بلەز،دیسان هەتا نۆكە ژی دبەردەوامن ل ناڤ ئاوارەیان دا بۆ گەهاندنا كێماسیێن ئاوارەیان،گۆتژی چەندین رێكخراوا بۆ مە ئاشكەراكر كو ب رێیا ڤی بنگەهێ‌ لالش وان هاریكاری بۆ ئاوارەیان ئینان،ژبەركو ئەو بنگەه ئێكە ژنێزیكی ئاوارا وخزماتا وان دكت.

هەروەسا(خێری ئبراهیم) وەك مامۆستا و رەوشەنبیرەكی خانكێ‌ دیاركر،بنگەهێ‌ لالش تایێ‌ خانكێ‌ رۆلەكی ئەكتیڤ دیتیە دخزمەتكرن یان پێشكێشكرنا هاریكاریا بۆ ئاوارەیان و ئەز دبینم هەر رێكخراوەك یان هەر خێرخوازەك ل دەمێ‌ پێشكێشكرنا هاریكاریا بۆ ئاوارا ل دەستپێكێ‌ سەرەدانا بنگەهی دكت،ژبەركو یێ‌ بوویە مەرجەعێ‌ ئێكانە بۆ هاریكاریكرنێ‌ و ئێك ژ نێزیكی ئاوارا ،دیسان هەر ژ دەستپێكا كارەساتێ‌ رابوو ب پێشوازیكرن و ئاكنجیكرنا ئاوارا و ب هەڤكاری دگەل رێكخراوان دا بۆ دابینكرنا پێتڤیێن بلەز هەتا كو جهێ‌ خۆ گرتن ،دبینم ژی دبەردەوامن و ئێك ژ گرنگترین كارێن وان دكیۆمێنتكرنا تشتێن هاتینە سەرێ‌ وان یێن ژ دەستێ‌ داعش رزگاربووین یان هەر كەسەكی ئازار ب دەستێ‌ داعش دیتی هەموو كرینە دكیۆمێنت و بەلگە بۆ لژنا جینۆسایدێ‌.

ژلایەكی دیڤە (جەمیل حەیدەر)موختارێ‌ تاخەكی ئاوارەیانە ل خانكێ‌ گۆت:بنگەهێ‌ لالش تایێ‌ خانكێ‌ هەر ژ رۆژا ئێكێ‌ ژ كارەساتێ‌ دگەل خەلكێ‌ مەیێ‌ ئاوارە دابوو ،ل دەستپێكێ‌ چەندین گرۆپ چێكرن و هەر گرۆپەك ب كارەكی رادبوو وپێشوازی ل مە دكرن هەتا ئەم ئاكنجیكرین و پێتڤیێن بلەز بۆ مە دابینكرین و هێش ل سەر خزمەتكرنا ئاوارەیان دبەردەوامن،دیسان پرۆژەیەكی چاندنێ‌ یێ‌ مەزن بۆ ئاوارەیێن خانكێ‌ ڤەكر و نێزیكی سێ‌ هەزار كەسا تێدا كاردكر،بەلێ‌ نۆكە وەرزێ‌ زڤستانێ‌ یە و هێش گەلەك خەلكێ‌ مە یێ‌ ئاوارە گاز وەرنەگرتیە و ژ بنگەهێ‌ لالش دخوازین ڤێ‌ ئاریشێ‌ بگەهیننە جهێن بەرپرس و گازێ‌ بۆ مە دابین بكن و پتر ئاگەهداری رەوشا ڤی خەلكی ببتن.

ژبال خۆڤە بەرپرسێ‌ بنگەهێ‌ لالش تایێ‌ خانكێ‌(عەنتەر كەلۆ) خویاكر، هەر ژ(3/8/2014)ل دەمێ‌ كارەساتێ‌ و خەلكێ‌ شنگالێ‌ ئاوارەیی خانكێ‌ بوویی، بنگەهێ‌ مە رابوو ب ئەنجامدانا كۆمبونەكا نەئاسای و مە چەندین لژنە بەرهەڤكرن و چەند گرۆپ چێكرن وئێك ژوانا لژنا پێشوازیێ‌ بوو ل سەرێ‌ كومەلگەهێ‌ بوو بۆ پێشوازیكرنێ‌ و ئاكنجیكرنا وی خەلكی ل ناڤ مالا و كاڤلان و قوتابخانان دا،لژنا دووێ‌ ل ناڤ گوندان دا بۆ كۆمكرنا جلك و لڤین و كەلوپەلێن خوارنێ‌ و پێتڤیێن بلەز،چنكو رەوشا ئاوارا گەلەك یە خراببوو،هەروەسا لژنەكا دی بۆ دابەشكرنا كەلو پەل و لڤینا بوو ل سەر ئاوارا ئەڤێ‌ لژنێ‌ ب شێوەیەكی گەلەكی باش كارێ‌ خۆ ئەنجام دا ،دیسان لژنەكا دی یا هشیاركرنێ‌ كارێ‌ وێ‌ بۆ هشیاركرنا نەخۆشیان و خۆ پاراستن ژ نەخۆشیان و دابەشكرنا كەلو پەلێن پاقژكرنێ‌ وەك سابون و تایت و دیتۆلێ‌ بوو،زێدەباری هندێ‌ لژنەكا دی یا دكیۆمێنتكرنا ڤێ‌ كارەساتێ‌ كو ئەوێن ئازارێن داعش ب سەرێ‌ وی هاتین و چ ب چاڤێ‌ خۆ دیتبوو و هەركەسەكی ژ دەستێ‌ داعش رزگاربوویی مە هەموو دكێومێنت كرب دەنگ و رەنگ و مەپتر ژ 23 دەمژمێران تۆماركرن و مەگەهاندنە نڤیسینگەها جینۆسایدێ‌ ل پارێزگەها دهۆكێ‌ و دەستەیا بلندا بنگەهێ‌ لالش ل دهۆكێ‌.

دبەردەوامیا ئاخفتنا خۆ دا گۆتژی ئەڤ هەموو لژنە د خۆبەخش بون و بێ‌ بەرامبەر كاردكرن و بنگەهێ‌ مە هەتا نۆكە ژی یێ‌ بەردەوامە ل ناڤ ئاوارەیان و هاریكاریان پێشكێشی وان دكت،هەروەسا مە هەماهەنگی دگەل چەندین رێكخراوێن نێڤ دەولەتی هەیە،ژبۆ هاریكاریكرنا ئاوارا و هەركەسەكی ژ دەستێ‌ داعش رزگاربوی مەسەرەدانا وان كریە و دەستێ‌ هاریكاریێ‌ پێشكێش كریە ل دۆر پێچێبونا خۆ،نێزیكی 50 پرۆژان ب هەماهەنگیا خاچا سۆرا نێڤ دەولەتی مە بۆ وان خێزانێن زۆرداری لێ‌ هاتیە كرن وكێم درامەت ڤەكرینە ،ب هاریكاریا چەندین رێكخراوا مە هاریكاریێن دراڤی ژی پێشكێشی سەدان خێزانان كریە و ئەم بەردەوام سەرەدانێن جهێن شۆلەژێ‌ دكن،ژبۆ گەهاندنا گازندە و كێماسیێن ئاوارەیان.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi