ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ڕۆلێ هۆزانێ د شۆرەشا گۆلانا پێشکەفتی خواز دا هاته‌ به‌حسكرن

ڕۆلێ هۆزانێ د شۆرەشا گۆلانا پێشکەفتی خواز دا هاته‌ به‌حسكرن

تۆرا لالش:

هێڤاريا ئیرۆ 25 / 5 / 2023) و ب هەلکەفتا سالیادا شۆرەشا گولانا پێشکەفتی خواز و ب ئامادەبوونا ڕێزدار (صالح حيدر) بەرپرسێ لقا 20 یا PDK و (میر هەرمان میرزا بەگ)وەکیلێ میرێ ئێزدیان و سەرۆکێ دەستەیا بلندا بنگەهێ لالش بەڕێز( سعيد جردو)و کارگێرێن لقا( 17 و 20) بەڕێزان (عميد، گوهدار علی جوقي) و ( عيسى نسرى) و هۆزانڤانێ بەرنیاس (ئەدیب چەلکی) و راوێژکارێ پەرلەمانێ کوردستانێ (شێخ زێدو باعەدری) و هەر یەک ژ سەرۆکێ شارەوانیا شێخان بەڕێز (ئە. خالد نرمو) و رێڤەبەرێ پەروەردا شێخان (م. فرج عثمان) و بەرپرسێ لیژنا ناوچا باعەدرێ یا PDK ب وەکالەت (صادق قاسو) و ئەندامێن بەڕێزن دەستەیا بلندا بنگەهێ لالش و مێهڤانێن پارێزگەها دهۆکێ و بنگەهێ لالش شێخان و سەنتەرێ رەوشەنبیری شێخان و ناڤەندا لاوێن شێخان و باعەدرێ و ئێکەتیا قوتابیێن شێخان و باعەدرێ و نڤیسینگەها لالش ئێسیا و جومگێن ب سەرڤە و کەسایەتی و رەوشەنبیر و موختار وریسپی و مامۆستا و گەنج و تۆلاز و ئافرەت و تەخێن جودا جودا وجەماوەرەکێ زۆرێ دەڤەرێ و باعەدرێ،بنگەهێ لالش تایێ باعەدرێ سمینارەک دگەل گۆتنا هۆزانان بۆ هۆزانڤانێ ناڤدار (مؤيد طيب) ل باخچێ هۆلا باعەدرێ یا بیرەوەریا ل دارخست ل دۆر (رۆلێ هۆزانێ د شۆرەشا گولانا پێشکەفتی خواز دا).

ڕێ و رەسمێن ڤێ هێڤاریێ ب چەندەکێ وەکو رێزگرتن بۆ شەهیدێن بزاڤا ڕزگاری خوازا کوردی سەرکێشێ وان بارزانیێ نەمر دەستپێکرن.

لدۆڤدا سەرۆکێ دەستەیا بلندا بنگەهێ لالش ب بخێرهاتنا تەڤایا ئامادەبوویان کر، پاشی سمیناربێژی بەحسێ بویەرێن شۆرەشا گولانێ کر و رۆلێ سەرکردە و شۆرەشگێرا و هۆزانڤانان د وان رۆژێن زەحمەتێن خەباتا گەلێ کورد دا، هەروەها ئاماژە دا باندۆرا هۆزانا کوردی ل سەر ڕێڕەوا خەباتا وی سەردەمی و بلندکرنا مۆراڵا خەلکی و وەکو چەکەکی بهێز د بزاڤا خەباتا گەلێ کورد ئینا زمان، دگەل رۆنکرن ل دۆر وان ئاستەنگی و رێگریێن رژێما ژناڤچوویی هەمبەر هەموو خەلکی نەخاسمە هەلگرێن پێ نڤیسان.

دیسان دبەردەوامیا ڤێ چالاکیێ دا سمیناربێژی چەندین هۆزانێن خۆ یێن بالکێش و ب سەنگ تەڤلی ڤێ هێڤاریا قەشەنککرن و ئامادەبوویی بەرەف جیهانا ئەدەبیاتان برن دکەش و هەوایەکی دلڤەکر و دلخۆشکەر و بێ دەنگ دا.

پاشی دەرگەهێ دان و ستاندنێ دناڤبەرا سمیناربێژی و ئامادەبوویان ب چەندین پرسیار و رۆنکرن هاتنە گەلالەکرن و دان و ستاندنەک سەرنجڕاکێش هاتە وجودێ .

د تەورەکێ دیتر دا هۆزانڤانێ مەزن (مؤيد طيب) ب قەڵغانێ بنگەهێ لالش تایێ باعەدرێ رێز لێ هاتە گرتن و ژلایێ بەرپرسێ لقێ ڤە ڕێزدار( صالح حيدر).

ل داویێ ژی دوماهیک ژمارا گۆڤارا لالش (49) و پەرتۆکا (شێخ زێدو باعەدری) ب سەر ئامادەبوویان دا هاتنە پارڤەکرن.

ب ڤی ئاوایی بەرپەرەک دن ژ بەرپەرێن کار و چاندا بنگەهێ لالش تایێ باعەدرێ یێن بەردەوام هاتە قولپاندن.

هەژی گوتنێ یە ئەڤ چالاکی ژلایێ چەند کەنالێن راگەهاندنێ هاتە رۆمالکرن ب سۆپاسی ڤە.

     

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi