ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دەستەیا بلندا بنگەهێ‌ لالش چار پەرتووكێن نوو ل دۆر ئێزدیاتیێ‌ وەشاندن

دەستەیا بلندا بنگەهێ‌ لالش چار پەرتووكێن نوو ل دۆر ئێزدیاتیێ‌ وەشاندن
تۆرا لالش/دهۆك
ئیرۆ ڕۆژا شەمبوویێ‌1/4/2023ێ‌ درێورەسمەكێ‌ دا ل هۆلا شێخ شامۆ ل بنگەهێ‌ لالش یێ‌ ڕِەوشەنبیری و كۆمەڵایەتی و ب ئامادەبوونا ژمارەیەكا زۆر یا ڕەوشەنبیر و نڤیسەر و كەسایەتیێن حكومی و حزبی و كۆمەلایەتی، چار پەرتووكێن نوو ژ وەشانێن بنگەهێ‌ لالش هاتنە ئیمزاكرن و بەلاڤكرن.

ل دەستپێكێ‌ وەك ڕێزگرتن بۆ گیانێ‌ جانگۆریێن كوردستانێ‌ و سەروەرێ‌ وان بارزانیێ‌ نەمر و ئدریسێ‌ جوانەمەرگ،ئامادەبوویی خۆلەكەكێ‌ راوەستیان،پاشی “سەعید جردۆ” سەرۆكێ‌ دەستەیا بلندا بنگەهێ‌ لالش پەیڤەك پێشكێشكر و دیاركر كو ئەڤ پەرتووك ژئالیێ‌ بنگەهێ‌ لالش بەشێ‌ ڤەكۆلینان ڤە هاتینە وەشاندن دكڤانێ‌ زنجیرە چاپەمەنیێن بنگەهێ‌ لالش دا كو دبنە 61پەرتووك هەتا نۆكە هاتینە وەشاندن و ئەڤ هەر چار پەرتووك گرێدایی ئێزدیاتیێ‌ بوون و جیێ‌ خۆشحالیێ‌ یە كو نڤیسەر و ڤەكۆلەر و هۆزانڤانێن هەر چار پەرتووكان ژ برایێن موسلمان بوون كو ب گیانەكێ‌ مرۆڤایەتی و نەتەوایەتی هەولداینە كو راستیا ئێزدیان دیاربكەن ژ تاكێ‌ كوردی را،بۆ هندێ‌ ئەو شاشیێن سەر ئێزدیان هاتینە نڤیساندن بێنە ڕاستڤەكرن.

ل دووڤدا ڕێورەسمان ژلایێ‌ “داود موراد خەتاری” بەرپرسێ‌ پشكا ڤەكۆلینان ل بنگەهێ‌ لالش دەستپێكر و پاشی هەر نڤیسەرەكی ب درێژی بەحسا ناڤەرۆكا پەرتووكا خۆ كر.

هەر چار پەرتۆك ژ وەشانێن دەستەیا بلندا بنگەهێ‌ لالش بوون كو پێكهاتبوون ژ (من ادب المهجر، لالش…بلاد لا تقبع علی خرائگ الحق) یا نڤیسەر “بەدەل رەڤۆ”كو ژ كۆمەكا هەلبەستان پێكهاتبوو،هەروەسا پەرتووكا (جەستە لە ئاینی ئێزدی دا) یا نڤیسەر “د.هێمن باقری” و پەرتووكا(ئافرەت د تاوانێن داعش دە) ژ پیتێن كوردی یا عەرەبیا راستڤەكری ڤەگۆهاست بوویە پیتێن لاتینی كو ژ سیهـ چیرۆكێن رزگاربوویێن ئێزدی پێكهاتبوو یا نڤیسەر “عبدالعەزیز محسن بارزانی” بوو، هەروەسا پەرتووكا (القدیسە الایزدییە بیگی فی تاریخها الگویل) یا نڤیسەر “ئیبراهیم محمود” بوو.

پاشی ئامادەبوویان چەند پرسیار ئاراستەی نڤیسەرێن پەرتووكێن ناڤبری كرن و بەرسڤ ل سەر پرسیارێن وان هات دان،پاشی هەر چار پەرتووك هاتنە ئیمزاكرن و بەلاڤكرن بسەر ئامادەبوویان دا.

ل داویێ‌ ژی نڤیسەرێن هەر چار پەرتووكێن ناڤبری ژئالیێ‌ سەرۆكێ‌ دەستەیا بلندا بنگەهێ‌ لالش ڤە هاتنە خەلاتكرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi