ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رۆژنامه‌يه‌كا بريتانى: ئه‌نجلينا جولى ژ به‌ر كۆمكۆژيا شنگالێ كره‌ گرى

رۆژنامه‌يه‌كا بريتانى: ئه‌نجلينا جولى ژ به‌ر كۆمكۆژيا شنگالێ كره‌ گرى

گاڤ

رۆژنامه‌يه‌كا بريتانى ئه‌ڤرۆ ئه‌ينيێ راگه‌هاند كو ئه‌نجلينا جولى ستێرا جيهانى رۆژه‌كا تژى گرى ل شنگالێ ل گه‌ل ناديه‌ موراد بره‌ سه‌رى پشتى تاوانێن رێكخراوا تيرۆرستى يا داعش ل دژى ئێزديان ديتين.

د راپۆرته‌كا رۆژنامه‌يا ده‌يلى مه‌يل دا هاتيه‌‌؛ ئه‌نجلينا جولى د دويماهيك سه‌ره‌دانا خۆ دا بۆ شنگالێ ژ به‌ر ديتنا وێ بۆ تاوانێن داعش ل دژى ئێزديان، گه‌له‌ك كره‌ گرى.

جولى هه‌لگرا خه‌لاتێ ئۆسكار ل چارشه‌مبيا بۆرى سه‌ره‌دانا شنگالێ كربوو و پاشى ژماره‌يه‌كا وێنه‌يێن خۆ يێن سه‌ره‌دانێ به‌لاڤكربوون.

رۆژنامه‌يا بريتانى به‌لاڤ ژى كريه‌؛ جولى ژ به‌رى سه‌ره‌دانا خۆ بۆ شنگالێ ل دويماهيك جار د سه‌ره‌دانا وێ دا بۆ كۆمپانيا گێرلان يا گولاڤان ل پاريس هاتبوو ديتن و داهاتێ خۆ يێ ريكلامان ژ وێ كۆمپانيێ بۆ كارێن خێرخوازى ته‌رخان دكه‌ت.

هه‌روه‌سا ژ ئه‌نجلينا جولى ڤه‌گوهاستيه‌ “ناديه‌ موراد ئه‌ز برمه‌ وى خانيێ ل گوندێ كوچۆ لێ مه‌زن بووى هه‌روه‌سا قۆتابخانه‌يا خۆ يا كه‌ڤن كو چه‌كدارێن داعش راببوون ب كوشتن و كه‌نيزه‌ككرنا خه‌لكێ وێ”.

ستێرا ئه‌مريكى ئاماژه‌ دا وێ چه‌ندێ ژى كو ناديه‌ موراد ئه‌و بربوو وێ گۆڕستانا خه‌لكێ كوچۆ لێ هاتينه‌ ڤه‌شارتن و ژماره‌يه‌كا مه‌زن ژ خه‌لكى هێشتا د به‌رزه‌نه‌.

زێده‌ ژى كر “خه‌بات ژ بۆ دادپه‌روه‌ريێ به‌رده‌وامه‌” و هاشتاگێ جينۆسايدكرنا ئێزديان ل گه‌ل دا به‌لاڤكر.

قه‌زايا شنگال دكه‌ڤيته‌ پارێزگه‌ها نه‌ينه‌وا و ل گۆره‌ى ده‌يل مه‌يل؛ ل سالا 2013ێ ژماره‌يا ئاكنجيێن وێ نزيكى 90 هزار كه‌سان بوون و پتريا وان ئێزدى بوون.

تيما لێكۆلينێ يا گرێداى نه‌ته‌وه‌يێن ئێكگرتى گه‌هشتبوو وى ئه‌نجامى كو به‌لگه‌يێن هاتينه‌ كۆمكرن ئاماژه‌يێ دده‌نه‌ ئه‌نجامدانا تيرۆرستێن داعش بۆ تاوانێن دژى مرۆڤايه‌تيێ و تاوانێن جه‌نگى.

ل 3ى ته‌باخا سالا 2014 رێكخراوا تيرۆرستى يا داعش كۆمكۆژيه‌ك ل دژى ئێزديان ئه‌نجامدابوو و پتر ژ 5 هزار ئێزديان تێدا گيانێ خۆ ژده‌ستدابوون و ب هزارێن دى به‌رزه ‌ببوون يان هاتبوونه‌ ره‌ڤاندن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi