سه‌رۆككومارێ عیراقێ سه‌را پارێزگه‌ها دهۆكێ و كه‌مپا شاریا یا ئاوارێن شنگالێ دا
خانى نيوز:
ل نیڤرۆیا ئه‌ڤرۆ چارشه‌مبى 2022/11/16 ێ” د. له‌تیف ره‌شید سه‌رۆككۆمارێ عیراقێ سه‌را پارێزگه‌ها دهۆكێ دا و ل كوچكا مێهڤانداریا پێشوازى ژلایێ سه‌فین دزه‌یى نوونه‌رێ سه‌رۆكێ هه‌رێمێ و نوونه‌رێ سه‌رۆكێ حكومه‌تا كوردستانێ و ئیڤان فایق جابر و وه‌زیرا كوچ و كوچبه‌رێن عیراقێ و د.عه‌لى ته‌ته‌ر پارێزگارێ دهۆكێ و فه‌هیم عه‌بدۆللا سه‌رۆكێ جڤاتا پارێزگه‌ها دهۆكێ و ده‌ڤه‌ردارێن پارێزگه‌هێ و رێڤه‌به‌رێن فه‌رمانگه‌هێن میرى پێشوازى لێ هاته كرن.
د روونشتنه‌كێدا به‌حسێ ره‌وشا عیراقێ و كوردستانێ و پارێزگه‌ها دهۆكێ و ره‌وشا ئاواره و په‌نابه‌ران ل ناڤ و ده‌رڤه‌ى كه‌مپان ل سنورێ پارێزگه‌ها دهۆكێ و ئه‌و خزمه‌تا بۆ دهێته كرن ب گشتى هاته كرن.
پاشی سه‌رۆككومارێ عیراقێ و شاندێ ل گه‌لدا سه‌را كه‌مپا شاریا یا ئاوارێن شنگالێ دا ژلایێ رێڤه‌به‌رێ كوچ وكوچبه‌ران و به‌رپرس و نوونه‌رێن كه‌مپێ پێشوازى لێ هاته كرن .
د كۆمبوونه‌كێ دا دگه‌ل رێڤه‌به‌رێ كوچ و كوچبه‌ران و به‌رسڤدانا قه‌یرانان و نوونه‌رێن كه‌مپا شاریا به‌حسێ ره‌وشا ئاواران ل كه‌مپێن پارێزگه‌هێ و ئه‌وهاریكاریێن بۆ دهێنه پێشكێشكرن و ئاریشه و پێدڤیێن ئاواران ب گشتى هاته كرن.
تُتاح هذه الصورة أيضا في: کوردی
