سه‌رۆكێ بنگه‌هێ لالش: پەیاما سەرۆك بارزانی هیڤی بەخش بوو بۆ ئێزدیان
دهۆک-KDP.info-
پشتی کو سەرۆک بارزانی د کۆنگرەیێ چاردێ یێ پارتی دیموکراتی کوردستان دا ڕاگەهاندی ڤالاهیەک یا د کۆنگرەیی دا هەی ژبەرکوو کەسەک د کۆمیتا ناڤەندی یا پارتی دا نینە و ئەو دێ وێ ڤالاهییێ پڕ کەن، ل دۆر ڤێ یەکێ ژی، سەرۆکێ دەستەیا بلندا بنگەهێ لالش یێ ڕەوشەنبیری و کۆمەڵایەتی ڕاگەهاند، پەیاما سەرۆک بارزانی بۆ ئێزدییان پەیامەکە هیڤی بەخش بوو.
سەعید جردۆ، تایبەت بۆ ماڵپەری فەرمیێ پارتی دیموکراتی کوردستان گۆت:” هەر دەما سەرۆک بارزانی دیت نەحەقیەک ل ئێزدیان یان هەر پێکهاتەکا کوردستانی دهێته کرن یەکسەر دهێتە دەنگ وچارسەر دکەت لەوما ئێزیدی وهەموو پێکهات ب چاڤەکی ئۆمێد بەخش ل سەرۆک دنێرن ودخوازن هەر سەرکردە وبەرپرس وتاکەکی ڤی وەلاتی ب هەمان حیکمەتا سەرۆک بارزانی سەرەدەریێ دگەل مافێت رەوا یێن ئێزدیان وهەموو پێکهاتان بکەن.
گۆتژی:” هەلویستێ جوامێرانە یێ سەرۆک بارزانی دەما دوهی ناڤێن سەرکەفتیان ژ بۆ کۆمیتا ناڤەندی یا پارتی هاتینە راگەهاندن بێ کو ناڤێ یەک ئێزیدی ل ناڤدە هەبێت هێڤی وئۆمێدێن مرۆڤ ب پاشەرۆژا ڤی وەلاتی گەشتر دکەت ودڤێ ئەو هەلوێست وانەیەک بێت ژبۆ سازیێن دەستهەلاتێ ل هەموو بواران داکو ل چارچۆڤێ یاسایاندە بهێتە دارشتن ژبۆ رێگریەکا بنگەهین لبەر پێشێلکرنا مافێن هەموو پێکهاتان.
تُتاح هذه الصورة أيضا في: کوردی
