مامۆستایهكێ زانكۆیێ بۆ رۆژناما دهنگێ لالش: بهحسا لوبیێ ئێزدیان دكهت دناڤ پهرلهمانێ عێراقێ دا
تۆرا لالش یا راگههاندنێ :سهگڤان شنگالى
مامۆستایهكێ زانكۆیێ رادگههینت،ئێزدى دكارن دناڤ پهرلهمانێ عێراقێ دا ب پشتهڤانى یا هێزێن كوردى لۆبیهكى بۆ خۆ دروست بكهن،داكو نههامهتیێن ب سهرێ وان هاتین دووباره نهبن و بكارن ب پرۆژه یاسایێن جودا جودا خزمهتا دهڤهرێن خۆ بكهن.دكتۆر رێنجبهر جهمیل،مامۆستا ل زانكۆیا دهۆكێ بۆ رۆژناما دهنگێ لالش راگههاند،دناڤ دهستورێ عێراقێ دا ب شێوهیهكى نهراستهوخۆ باس ل پێكهاتهیا ئێزدیان هاتیه كرن و ئێزدى وهك پێكهاتهیهكا رهسهن یا عێراقى ب شێوهیهكى باش سهرهدهرى دگهلدا نههاتیه كرن،ژوانژى هژمارا نونهراتیا ئێزدیان ل پهرلهمانێ عێراقێ دا ناگونجت دگهل هژمارا ئێزدیان ل عێراقێ،لهورا ب دیتنا من دڤیا ئێزدیان ل پارێزگهها دهۆكێ كۆتایهك ل پهرلهمانێ عێراقێ ههبایه،لهوران دڤێت ژ روویێ دهستورى و یاسایى ڤه دووباره پێداچۆن د ڤى بابهتى دا بێته كرن و دهولهتا عێراقێ نكاریه پاراستنێ ل سهر بنهمایێ ئایینێ ئێزدیان بكهت،پشتى كو هاتینه جینۆسایدكرن و ژ بلى هندێ پێتڤى بوو ئێزدى هاتبانه قهرهبووكرن.
ب دیتنا وى مامۆستایى ئێزدى دكارن دناڤ پهرلهمانێ عێراقێ دا ب پشتهڤانى یا هێزێن كوردى لۆبیهكى بۆ خۆ دروست بكهن داكو نههامهتیێن ب سهرێ وان دا هاتین دووباره نهبن و بكارن ب پرۆژه یاسایێن جودا جودا خزمهتا دهڤهرێن خۆ بكهن،ژوانژى پرۆژه یاسایا قهرهبووكرنێ و ب رێیا دادگهها فیدرالى گڤاشتن بێنه كرن كو ئێزدیان نوونهرێن زێدهتر ههبن دناڤ سازیێن حكومهتا عێراقێ دا.
ئهو مامۆستایێ زانكۆیێ وهسان دبینت ئهگهر مادا 140 بێته جێبهجێكرن دێ د بهرژهوهندیا ئێزدیان دا بت و چارهنڤیسێ وان دێ ئێكلابت،چنكو دهڤهرێن وان ئێزدیان دكهڤنه د چارچۆڤێ ئهڤى ماددهى دا.
س.س
تُتاح هذه الصورة أيضا في: کوردی