ژبه‌ر نه‌بوونا ئارامى و سه‌قامگیریێ گه‌نجێن شنگال كۆچ دكه‌نه ده‌رڤه‌ى وه‌لاتى
تۆرا لالش یا راگه‌هاندنێ:
گرۆپ و میلیشیایێن سه‌ر به په‌كه‌كێ ڤه ب پیلان خه‌لكێ شنگالێ هان دده‌ن كو زێدى خۆ بجێهلن،لدووڤ ئامارێن نه‌فه‌رمى نێزیكى سێ هه‌تا چار هه‌زار كه‌سێن ئێزدى د ماوه‌یه‌كێ كێمدا قه‌ستا ئه‌ورۆپا كرینه،به‌رپرسێ بنگه‌هێ لالش تایێ سنوونێ ژى ئاشكه‌راكر خه‌لكێ باوه‌رى ب هندێ نه‌مایه ره‌وشا شنگال ئارام و سه‌قامگیر ببت،له‌وا گه‌نجێن شنگال كۆچ دكه‌نه ده‌رڤه‌ى وه‌لاتى.
دڤى ده‌رباره‌ى دا د.سلێمان فانۆ،به‌رپرسێ بنگه‌هێ لالش تایێ سنوونێ بۆ باسنیوز راگه‌هاند،كوردستان وه‌لاتێ ئێزدیانه و مه ئێزدیان ژبلى كوردستانێ چوو وه‌لاتێن دى نینن ،وه‌لاتێن ئه‌ورۆپا نابنه وه‌لاتێ ئێزدیان و ئێزدیاتى ب تنێ ل كوردستانێ دێ مینت،ئه‌گه‌ر شنگال ژ ئێزدیان هاته چۆلكرن،ئه‌ڤه دێ بته ئه‌گه‌رێ هندێ رۆژ بۆ رۆژێ ئێزدیاتى به‌ره‌ف نه‌مانێ بچت،گۆتژى لدووڤ ئامارێن نه‌فه‌رمى نێزیكى سێ هه‌تا چار هه‌زار كه‌سێن ئێزدى د ماوه‌یه‌كێ كێمدا قه‌ستا ئه‌ورۆپا كرینه،گه‌له‌ك ئێزدى ل یۆنان ماینه و چاڤه‌رێ ده‌رفه‌ته‌كێ نه بچنه ئه‌ورۆپا،ئه‌ڤه زۆر مه‌ترسیداره ل سه‌ر پاشه‌رۆژا ئێزدیان،به‌لێ خه‌لكێ باوه‌رى ب هندێ نه‌مایه رۆژه‌ك بێت ره‌وشا شنگال ئارام و سه‌قامگیر ببت و بكارن ڤه‌گه‌رنه سه‌ر مال و حالێ خۆڤه،له‌وا گه‌نجێن شنگال كۆچ دكن.
ژلایێ خۆڤه فه‌یسه‌ل قاسم،به‌رپرسێ لیژنا پارتى ل گرعزێر سه‌ر ب شنگالێ بۆ باسنیوز گۆت:گرۆپ و میلیشیایێن سه‌ر به په‌كه‌كێ،پشته‌ڤانیێ ل خه‌لكێ شنگال دكن و هان دده‌ن كو زێدى خۆ بجێهلن و قه‌ستا ده‌رڤه‌ى وه‌لاتى بكن،ئه‌ڤه ژى پیلانه‌كا مه‌ترسیداره ل سه‌ر نه‌مانا كوردێن ئێزدى ل شنگالێ،ئه‌و گرۆپێن ده‌ره‌كى و خۆسه‌پاندى هانا خه‌لكێ دده‌ن بچنه ئه‌ورۆپا و هه‌ڤ شێوێ ئێزدیێن توركیا،ئه‌ڤێ بسه‌ر كوردێن ئێزدى ل شنگالێ دئینن،وه‌كو چاوان كوردێن ئێزدى ل توركیا نه‌مان،هه‌مان پلان بۆ كوردێن ئێزدى ل شنگال هه‌یه.
ئاشكه‌راكر ژى چۆنا خه‌لكێ شنگال بۆ ده‌رڤه‌ى وه‌لاتى،فه‌رمانا 75بسه‌ر ئێزدیاندا دێ ئینن،چنكو ئێزدى ژ زمان و كلتۆر و ئاخا خۆ دێ ئێنه ڤه‌قه‌تاندن و وه‌سا كن ل بیرا وان بچت،كه‌سێ زمان و كلتۆر و ئاخ نه‌ما،ئه‌و كه‌سه وه‌كو كه‌سه‌كێ مریه،له‌وا پێتڤیه خه‌لكێ شنگالێ هشیار بن و نه‌هێلن ئه‌و گرۆپێن ده‌ره‌كى و نه‌شه‌رعى ڤان پیلانان ل شنگالێ بسه‌ردا بجهبینن.
س.س
تُتاح هذه الصورة أيضا في: کوردی
