مه‌سروور بارزانی: بنگه‌هێ لالش خزمه‌ته‌كا به‌رچاڤ بۆ كه‌لتۆرێ كوردى كریه
تۆرا لالش:
ب هه‌لكه‌فتا دوماهى هاتنا كونگرێ چواردێ یێ بنگه‌هێ ره‌وشه‌نبیرى و كومه‌لایه‌تى لالش، مه‌سرور بارزانى سه‌رۆكێ حكومه‌تا هه‌رێما كوردستانێ، په‌یامه‌كا پیروزباهیێ ئاراسته‌ى ده‌سته‌یا نوى یا بنگه‌هێ لالش كر.
سه‌رۆكێ حكومه‌تا هه‌رێما كوردستانێ د په‌یاما خودا لدور بنگه‌هێ ره‌وشه‌نبیرى و كومه‌لایه‌تى لالش گوت: بنگه‌هێ ره‌وشه‌نبیرى لالش خزمه‌ته‌كا به‌رچاڤ بۆ كلتوور و ره‌وشه‌نبیریا كوردان كریه ب تایبه‌ت پاراستن و گرنگیدان ب كه‌لتوورێ ئێزدیان.
ده‌قێ په‌یاما پیروزباهیا سه‌رۆكێ حكومه‌تا هه‌رێما كوردستانێ:
بەڕێزان ل دەستەیا نوی یا بنگه‌هێ لالش یێ ره‌وشه‌نبیرى وجڤاكى:
ب ھەلکەفتا سەرکەفتنا کۆنگرەیێ چاردێ یێ بنگەھێ لالش یێ ره‌وشه‌نبیرى و جڤاكى و ھەڵبژارتنا دەستەیا نوی، گەرمترین پیرۆزباھییان ل ھەوە دکەم و ھیڤییا سەرکەفتن و بەردەوامیێ بۆ ھەوە دخوازم.
بنگەھێ لالش یێ ره‌وشه‌نبیرى و جڤاكى، خزمەتەکا بەرچاڤ یا کەلتوور و چاندا کوردی کریە نەمازە پاراستن و پێشڤەبرنا کەلتوورێ ئێزیدیاتیێ، ھیڤیدارم د خەبات و تێکۆشینا خۆ دا ژبوی خزمەتکرنا پرسێن نیشتیمانی و وەرارا پێکڤەژیانا ئاشتییانە ل ھەرێما کوردستانێ، دبەردەوام بن .
ھەر دسەرکەفتی بن.
مەسرور بارزانی
سەرۆکێ حکومەتا هەرێما کوردستانێ
تُتاح هذه الصورة أيضا في: کوردی
