ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ل شنگالێ گهۆرینا دیموگرافى ده‌ستپێكريه‌

ل شنگالێ گهۆرینا دیموگرافى ده‌ستپێكريه‌

باسنيوز:

ل قه‌زا شنگال ده‌ست ب كرینا ئه‌رد و خانیان هنده‌ك وه‌لاتیان هاتیه‌ كرن ژلایێ گرۆپێن نه‌یاسایێ ڤه‌.

دڤێ ده‌ربارێ دا، سلیمان حه‌سه‌ن، به‌رپرسێ پارتى ل شنگال بۆ (باسنیوز) راگه‌هاند كو: “ل شنگال گوهۆرینا دیموگرافى چی بوویه‌، ب تایبه‌تى ژى وارى كرینا پارچه‌ زه‌ڤى و خانیان دا كو گرۆپێن نه‌یاسایێ پارچه‌ زه‌ڤێن ئه‌ردى و خانیان ژ خه‌لكێ ره‌سه‌ن یێن شنگال دكرن، ب تایبه‌تى ژى دناڤ سه‌نته‌رێ قه‌زا شنگال دا، ئه‌م دبینن ده‌سته‌ك پشت ڤێ كارى دا هه‌یه‌ چ ژ لایێ حه‌شدا شه‌عبى ڤه‌ بیت، یان ژى لایێ په‌كه‌كێ ڤه‌ بیت، دیموگرافیى و سیمایێ شنگال بگوهۆرن”.

به‌رپرسێ لیژنا پارتى ل شنگال گۆتژى: “ئه‌جێندا ل پشت گوهۆرینا سیمایێ شنگالدا هه‌نه،‌ له‌ورا ژى ئه‌م هه‌ول ده‌ن و خه‌لكێ خۆ ئاگه‌هدار دكه‌ین پارچه‌یێن زه‌ڤیێن خۆ س ئه‌ردى و خانیین خۆ ژبه‌ر گوژمه‌كێ پاره‌ نه‌فروشنه‌ چوو لایه‌نان، چونكو راستى ژى ئه‌ڤه‌ مه‌ترسیداره‌ و پێدڤیه‌ هه‌موو كار بهێنه‌ كرن ریگریێ ل گوهۆرینا دیموگرافیا شنگال بهێته‌ كرن”.

ناڤهاتى ئه‌وژى نه‌ڤه‌شارت و گۆت: “هنده‌ك كه‌س هه‌نه‌ پارچه‌یێن زه‌ڤین خۆ و ئه‌ردى و خانیان دفروشنه‌ گرۆپێن نه‌یاسایێ كو سیمایێ شنگال یێ ناڤدار و تاخێن وێ ناڤدارن، ئه‌م چاڤه‌رینه‌ رێكه‌فتنا دناڤبه‌را حكومه‌تا هه‌رێما كوردستانێ و عێراقى دا بجه بهیت وخه‌لكێ شنگال جاره‌كا دێ ڤه‌گه‌رنه‌ سه‌ر مالێن خۆ داكو رێگریێ ل كارێن كرین و فرۆتنا ئه‌رد و خانیان ژى بهێته‌ گرتن”.

باپیر خدر حه‌جى، رێڤه‌به‌رێ باژێرڤانیا شنگال بۆ (باسنیوز) راگه‌هاند كو: “هه‌تا ل شنگال كرین و فرۆتن ئه‌ردى باژێرڤانیا هاتیه‌ كرن، هه‌ر ئێك كه‌یفا خۆ یه‌ ناڤ شنگال دا زێده‌گاڤیى گه‌له‌ك یێن ناڤ شنگال دا هاتینه‌ كرن ل سه‌ر ئه‌ردى هه‌تا ژى ل سه‌ر ئه‌ردێ باژێرڤانیى زۆر زێده‌گاڤى یێن هاتینه‌ كرن ئه‌و ئه‌ردى سه‌ر ناڤێ باژێرڤانیێ هاتیه‌ ئاڤاكرن و كرین و فرۆتن پێ هاتیه‌ كرن، بن ده‌ستهه‌لاتا گرۆپێن نه‌یاسایێ دا ده‌ست ب كرین وفرۆتنا ئه‌رد و خانیان ل شنگال هاتیه‌ كرن ئه‌ڤه‌ گه‌له‌ك مشه‌بوویه،‌ چوو حكومه‌ت نینن هه‌تا بشین كونترولى لسه‌ر بكه‌ن”.

باپیر خدر حه‌جى گۆتژى: “چوو ئامار ده‌ستى مه‌ دا نینن كا چه‌ند ئه‌رد و خانیى هاتینه‌ كرین و فرۆتن یان ژى چه‌ند زێده‌گاڤى ل سه‌ر ئه‌ردى باژێرڤانى هاتینه‌ كرن لێ پشتى ئه‌م زڤرینه‌ شنگال دێ گه‌له‌ك ئاریشه‌ ل سه‌ر مولگى دروست بن، چونكو گه‌له‌ك ئه‌رد هاتیه‌ كرین و فرۆتن هه‌تا جهێن دام و ده‌زگه‌ه و باغچه‌یان ل شنگال هاتنه‌ ئاڤاكرن ئه‌ڤه‌ هه‌موو دزڤریت چونكو ئێدارا شه‌رعیى ل شنگال نینه‌ له‌ورا ژى كارین نه‌قانوونێ هێنه‌ ئه‌نجامدان”.

فه‌یسه‌ل خانه‌سۆرى، چاڤدێرى سیاسى ل شنگال بۆ (باسنیوز) ئاشكه‌را كر: “په‌كه‌كێ ده‌ستێ خۆ داناینه‌ هنده‌ك ده‌ڤه‌را شنگال خۆ كریه‌ به‌دیلى حكومه‌تا شه‌رعیى ناڤ شنگال دا ڤێ گرۆپى نیه‌تێن خراب هه‌نه‌ ل سه‌ر شنگال و پاشه‌رۆژا شنگال نه‌هاتینه‌ خزمه‌تا شنگال و خه‌لكێ شنگال بكه‌ن به‌لكو ئه‌ڤ گرۆپ هاتینه‌ ناڤ شنگال دا داكو به‌ژوه‌ندیێن خوه‌ و ئه‌جێندایێن ده‌ركى بجه بینن ناڤ شنگال دا ئه‌و 100% پشتڕاست ئه‌و گرۆپێن ناڤ شنگالدا ده‌ست دگه‌ل ده‌وله‌تیێن بیانى هه‌نه‌ ئه‌و پشته‌ڤانیى لێ دكه‌ن داكو شنگال پتر بهێته‌ تێكدان.”

وه‌یس نایف، سه‌رۆكى به‌رى یى جڤاتا قه‌زا شنگال بۆ (باسنیوز) راگه‌هاند كو: “ب هاریكارێ و پشته‌ڤانیا گرۆپێن نه‌یاسایێ گه‌له‌ك ئه‌رد و خانیى ل شنگال هاتینه‌ كرین و فرۆتن ئه‌ڤ دیاردا ل شنگال چیبوویێ بتنى بۆ گوهۆرینا دیموگرافیا شنگال بوویه‌ كو په‌كه‌كێ ب ریێا هنده‌ك لایه‌نگه‌رێن خۆ ئه‌ڤ كارێ كرین ئه‌رد و خانیا ل شنگال ئه‌نجامدایه‌”.

وه‌یس نایف، ئه‌وژى خۆیا كر كو: “نوكه‌ ژى گرۆپێن نه‌یاسایێ گه‌له‌ك ئه‌رد و خانێن كرین یێن داناینه‌ به‌ر فرۆتنى ل قه‌زا شنگال”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi