ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ‌ لالش:وەغەركرنا پیر خدر سلێمان زیانەكا مەزنە بۆ تەڤایا ئێزدیان

بنگەهێ‌ لالش:وەغەركرنا پیر خدر سلێمان زیانەكا مەزنە بۆ تەڤایا ئێزدیان

ب خەم و كۆڤانەكا مەزن ڤە مە خەبەرێ‌ وەغەرا داویێ‌ یا كەسایەتیێ‌ دیار و بەرنیاسێ‌ ئێزدی پیر خدر پیر سلێمان بهیست ب ئەگەرا جەلتەیا دلی یا نشكێڤە ل رێکەفتی دووشەمبوویێ‌ 15/11/2021ێ‌ خاتر ژ جیهانا مە خواست و چەندین بەرهەم و چاپ و ڤەكۆلین و پەرتۆك لدووڤ خۆ هێلان،یا كو وی پرانیا سالێن خۆ یێن نڤیساندن و ئامادەكرنێ‌ تەرخانكربوو سەرباری ژیانا دژوارو تەعل كو ژبەر پرسێن نەتەوەپەرستیا كوردی و ڤیانا وی بۆ كەلتۆرێ‌ باب و كالا و پابەندبوونا وی ب كۆكا ئێزدیان ب هەموو هێز و وێرەكیا خۆ بەرەڤانی ل وان دكر تەڤی هۆڤاتیا دەزگەهێن ئێمناهیێ‌ یێن سەر رژێما دكتاتۆرا بەرێ‌ یا عێراقێ‌.

كار و كاروانێ‌ كەسایەتیەكا مەزن و دلسۆزێ‌ ئێزدیاتی و كوردایەتیێ‌ وەكو خودێ‌ ژێ‌ رازی پیر خدر سلێمان نائێتە ڤەشارتن،ئەم وەغەركرنا وی ب زیانەكا مەزن و دلتەزین بۆ تەڤایا ئێزدیان دبینن،لێ‌ مافێ‌ پیر خدرە كو ئەم وی و سەربۆر و ئەزموونا وی یا پری دەولەمەند ل بیر بینین،ژبەركو ئەو نە بتنێ‌ نڤیسكار و رەوشەنبیر بوو،بەلێ‌ ئەو تێكۆشەر و بیرمەند و نڤیسكار بوو و ئێكەم كەس بوو بنیاتێ‌ وانا ئێزدیاتیێ‌ دانای كو هەتا ئیرۆ ب دەهان هەزار قوتابیێن ئێزدی هاتینە فێركرن،ژبلی پەرتۆكێن وی یێن كو دێ‌ مینن ژبۆ هەر كەسێ‌ كو لسەر دیرۆك و رەسەناتی و كەڤناتیا ئۆلا ئێزدیان ڤەكۆلینێ‌ دكت،زێدەباری كو خودێ‌ ژێ‌ رازی ئێك ژ دامەزرینەرێن دامەزراندنا بنگەهێ‌ لالش یێ‌ رەوشەنبیری و كۆمەلایەتی بوو،و ئێكەمین كەس بوو ئەركێ‌ پۆستێ‌ سەرۆكێ‌ بنگەهێ‌ لالش ل سالا 1993ێ‌ وەرگرتی،و ل خزمەتا ئێزدیان ب تایبەتی و چاندا كوردی ب گشتی دا لسەر كار و خەباتا خۆ بەردەوام بوو،ژ پۆستێن وی وەرگرتین ژ وانا سەرۆكێ‌ ئێكەتیا نڤیسەرێن كورد تایێ‌ دهۆكێ‌ بوو،پاشی ل سالا 2005بوو ئەندام ل پەرلەمانێ‌ هەرێما كوردستانێ‌،هەتا رۆژێن خۆ یێن داویێ‌ بێ‌ وەستیان و بێزار ببە كارێ‌ خۆ ب هەموو هێز و چالاكیا دۆماند،هەتا كو ل تەمەنێ‌ 69سالیێ‌ چوو بەردلۆڤانیا خودێ‌.

و بناڤێ‌ دەستەیا بلندا بنگەهێ‌ لالش یێ‌ رەوشەنبیری و كۆمەلایەتی ب گشت كارمەند و تایی و نڤیسینگەهێن خۆ ڤە،ئەم ل دەستپێكێ‌ سەرەخۆشیێ‌ ل خۆ دكەین،و سەرەخۆشیێ‌ ل كەسوكارێن خودێ‌ ژێ‌ رازی و حەژێكەرێن وی دكەین بڤێ‌ خوسارەتا دلتەزین و ژ خودایێ‌ مەزن دخوازین ب دلۆڤانیا خۆ شاد بكت.
روحا رەحمانی
نابت فانی
هەر دێ‌ زڤرتە بەردەستێ‌ وی خودانی
دەستەیا بلندا بنگەهێ‌ لالش یێ‌ رەوشەنبیری و كۆمەلایەتی/دهۆك
16/11/2021

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi