شێخ شامۆ:پێنگاڤێن سەرۆكێ حكومەتا كوردستانێ بۆ ئێزدیان جهێ سەرفەرازیێ نە
تۆرا لالش/دهۆك
ب سەرپەرشتیا بەرێز شێخ شامۆ سەرۆكێ دەستەیا بلندا بنگەهێ لالش، ئیرۆ شەمبوویێ 6/11/2021ێ كۆمبوونا ئاسایی یا بنگەهێ لالش ب ئامادەبوونا ئەندامێن دەستەیا بلند و بەرپرسێن تایان ب رێڤەچوو.
دكۆمبوونێ دا”شێخ شامۆ”پیرۆزباهی ل پارتی دیموكراتی كوردستان كر ب هەلكەفتا وێ سەركەفتنا مەزن یا بدەستخۆڤەئینایی ل هەلبژارتنێن ئەنجوومەنێ نوونەرێن عێراقێ دا و سووپاسیا هەموو ئێزدیان كر ب تایبەت ژی دەڤەرا شنگالێ بۆ وی هەلویستێ جوامێرانە یێ خەلكێ شنگال د دەرهەقا سەرۆك بارزانی و پارتی دیموكراتی كوردستان دا پێشكێشكری ل هەلبژارتنێن ئەنجوومەنێ نوونەرێن عێراقێ كو وژدانێ خۆ د دەرهەقا سەرۆك و پارتی و ئاخ و وەلاتێ خۆ دا رازیكرن و ئەنجامێن باش یێن هەلبژارتنان بدەستخۆڤەئینان،ئەڤە ژی وەسا ددەتە دیاركرن كو خەلكێ شنگال بتنێ پارتی وبارزانی دڤێن.
د تەوەرەكێ دی یێ كۆمبوونێ دا”شێخ شامۆ” بەحس ل دیدارا جەنابێ میری و سەماحەتا بابێ شێخ لگەل جەنابێ سەرۆكێ حكومەتێ رێزدار مەسرور بارزانی كر و ئەڤ كۆمبوونە بلند نرخاند و دیاركر كو سەرۆكێ حكومەتا هەرێما كوردستانێ پلانێن باش هەینە بۆ هەموو پێكهاتان ب تایبەت ژی ئێزدیان و دڤێ كۆمبوونێ دا جەنابێ سەرۆكێ حكومەتێ رازیبوونا خۆ لسەر تەرخانكرنا مووچەیەكی بۆ ئۆلدارێن ئێزدیان دیاركر،دیسان دیاركریە كو تۆرا لالش یا كارەبێ دێ ئێتە دانان و خزمەتا پەرستگەهێ و مێڤانێن سەرەدانا لالش دكن كت، گۆتژی پێنگاڤێن سەرۆكێ حكومەتا كوردستانێ بۆ ئێزدیان جهێ سەرفەرازیێ نە.
ژلایەكێ دی ڤە سەرۆكێ بنگەهێ لالش دیاركر كو سەرۆكێ حكومەتا هەرێما كوردستانێ رازی بوویە لسەر چێكرنا دەرگەهەكی تایبەت یێ دیرۆكی بۆ پەرستگەها لالش كو ئەڤە دێ بتە دەروازێ پەرستگەها لالش،هەروەسا ناحیبوونا هەردوو كۆمەلگەهێن خانكێ و شاریا ئێك ژ گۆتۆبێژێن سەرەكی بوو جەنابێ سەرۆكێ حكومەتێ رازیبوونا خۆ لسەر دیاركریە.
هەر د كۆمبوونێ دا شێخ شامۆ بەحس ل كۆنگرێ داهاتی یێ بنگەهێ لالش كر و دقۆناغا خۆ بەرهەڤكرنێ دانە و دیاركر ژی بۆ بتر پشتەڤانیا گەنج و ئەكادیمیێن مە بۆ هندێ بتر دەلیڤە لبەر وان یا ڤەكری بت جارەكا دی دەرگەهێ ئەندامبوونێ بۆ ماوێ پازدە رۆژان دێ ئێتە ڤەكرن هەر ژ رۆژا(7تا 21/11/2021)ێ بۆ هندێ كەسەكێ نەگەهشتی بێت ئەندامەتیبوونا خۆ نوو كەتە ڤە بۆ هندێ دەرفەتەكا دی بۆ چێكەت و ژ ئەندامێن دەستەیا بلند و بەرپرسێن تایان خواست بەرهەڤیێن تەمام بكن داكو ل نێزیكترین دەم كۆنگرێ بنگەهێ لالش بێتە ئەنجامدان.
ل داویێ ژی شێخی رۆلێ بنگەهێ لالش ل سەرخستنا پرۆسا هەلبژارتنان دا بلند نرخاند و دەستخۆشی ل وان كر.
تُتاح هذه الصورة أيضا في: کوردی
