بنگەهێ لالش رێورەسمێن ناساندنا پەرتۆكا(هەمەچەشنی و فرەیی ل هەرێما كوردستانێ) گێران
تۆرا لالش/دهۆك
ئیرۆ پێنج شەمبوویێ 4/11/2021ێ ل بنگەهێ لالش دهۆكێ و ب ئامادەبوونا بەرێز “شێخ شامۆ”شێوەرمەندێ سەرۆكێ حكومەتا هەرێمێ بۆ كاروبارێن ئێزدیان و سەرۆكێ دەستەیا بلندا بنگەهێ لالش و هژمارەكا رەوشەنبیر و نڤیسەران، رێورەسمێن ئیمزاكرن و ناساندنا پەرتۆكا(هەمەچەشنی و فرەیی ل هەرێما كوردستانێ) هاتنە گێران.
دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ ب هەڤكاری لگەل ئینستتیۆتا تۆلیرانس یا بێسنور رێورەسمێن ئبمزاكرن و ناساندنا پەرتۆكا(هەمە چەشنەیی وفرەیی ل هەرێما كوردستانێ)یانڤیسكار د.ئادەم بێدار گێران.
ل بەراهیێ”شێخ شامۆ” شێوەرمەندێ سەرۆكێ حكومەتا هەرێمێ بۆ كاروبارێن ئێزدیان و سەرۆكێ بنگەهێ لالش پەیڤەك پێشكێشكر وتێدا رۆلێ د.ئادەم دخورتكرنا پرۆسێسا پێكڤەژیانێ دا بلند نرخاند و بەحسێ گرنگیا ڤان جۆرە پەرتۆكان كر.
لدووڤ دا نوری بێخالی سەرۆكێ ئینستتیۆتا تۆلیرانس یا بێسنور كورتیەك دا سەر ئینستتیۆتێ كا چاوان گرنگیێ ب پرۆسێسا پێكڤەژیانێ و لێبۆرینێ ل هەرێما كوردستانێ دكت و كار و چالاكیێن وان بەردەوام لسەر ڤێ چەندێ بووینە.
پاشی د. ئادەم بێدار ب درێژی بەحسێ ناڤەرۆكا پەرتۆكا خۆ كر كو دچەند قۆناغان را پەرتۆكا وی دەربازبوویە هەتا كو ب داوی ئینایی و ناڤەرۆكا پەرتۆكێ ژی بەحسێ لێبۆرین و پێكڤەژیانێ دكت لسەر ئاستێ هەرێما كوردستانێ چ وەك حكومەت و چ وەك خەلك و پەرتۆك ب زمانێ عەرەبی و ب زاراڤێ سۆرانی هاتیە چاپكرن.
پشتی پێشكێشكرنا سمینارێ ژ ئالیێ د.ئادەم ڤە ئامادەبوویان چەندین تێبینی و سەرەنجێن خۆ دەرهەقا پەرتۆكێ دا پێشكێشكرن و دەستخۆشی ل نڤیسەری كرن بۆ ڤان جۆرە پەرتۆكان.
ل داویێ ئیمزا لسەر پەرتۆكێ هاتە كرن و بسەر ئامادەبوویان دا هاتە بەلاڤكرن.
بۆ زانین ئەڤ روونشتن ژئالیێ “جەعفەر سمۆ”بەرپرسێ راگەهاندنا بنگەهێ لالش ڤە دهاتە برێڤەبرن.
تُتاح هذه الصورة أيضا في: کوردی