قایممقامێ شنگال:سێ گۆڕێن بكۆم هاتینە تێكدان
باسنيوز:
قایمقامێ قەزا شنگال دیار كر كو سێ گۆرێن بكۆم ل شنگال یێن هاتینە تێكدان و چەند رژۆێن ماینە دێ حەفت سال ب سەر جینوسایدا شنگال ڤە چن، هیشتا هەستێن ناڤ گۆرێن بكۆمدا نەهاتینە راكرن و بن ئاخكرن.
مەحما خەلیل، قایمقامێ قەزا شنگال بۆ (باسنیوز) راگەهاند كو: “ئەڤە حەفت سالن پتریا گۆرێن بكۆم ل شنگال نەهاتینە ڤەكرن و هەستێن قوربانیێن جینوسایدا شنگال نەهاتینە ڤەشارتن ئەڤە، بوویە ئەگەر گۆرێن بكۆم ژناڤ بچن هەتا نوكە سێ گۆرێن بكۆم یێن هاتینە تێكدان و ژناڤچوون و ئەوژی گۆرەكێ بكۆم ژلایێ هێزێن عێراقی ڤە هاتییە تێكدان و گۆرەكێ ب كۆم ژی هاتییە سۆتن و لەهیێن بارانی ژی گۆرەكێ بكۆم تێكدایە”.
ئاشكەرا كر كو: “حكومەتا عێراقی پووتەیێ شنگال نادەت، ژبەر كو شنگال دەڤەرەكا كوردستانییە و گرێدایێ مادێ 140 یێ دەستوری عێراقییە، هەروەسا ژی ناكوكیێن دەركی كەفتینە ناڤ شنگالێدا، هەتا نۆكە بەغدا بێ خەما بەرامبەر شنگال”.
ل شنگال 82 گۆرێن بكۆم هەتا نۆكە یێن هاتینە دیتن سالە 2014ێ ژلایێ تیرۆرستێن داعش ڤە خەلكێ شنگال تێدا هاتینە گوللەبارانكرن، د قوناغا ئێكێدا 20 گورێن ب كۆم هاتینە ڤەكرن و د ئەنجامدا 357 روفات ژ ناڤ گۆرێن ب كۆم یێ هاتینە دەرئێخستن، بتنێ ناسنامەیێن 104 روفاتان ئاشكرا بووینە و هیشتا ناسنامەیێن 253 روفاتان ئاشكرا نەبووینە.
تُتاح هذه الصورة أيضا في: کوردی
